Génesis 27:29 - Q'eqchi Bible

²⁹ Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Li Santil hu

²⁹ Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Génesis 27:29 ပူးပေါင်းရင်းမြစ်များ

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Romanos 9:12

kiyehe'k re lix Rebeka: “Li asb'ej taak'anjelaq chiru li iitz'inb'ej”,

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 72:8

Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.

1 Reyes 22:47

Chiruheb' li kutan a'an, eb' laj Edom toj maak'a' junaq awab'ej, yal jun aj jolominel tenamit nawank cho'q aj k'amol b'e sa' li na'ajej a'an.

Números 23:8

Ab'an chanru tinmajewa li ink'a' majewanb'il xb'aan li Qaawa'? Chanru tintz'aamanq rahilal, wi li Qaawa' ink'a' naxb'aanu?

Génesis 37:7

Yooko chi xb'ak'b'al chi joob' li triiw sa' k'aleb'aal ut xwil naq li jun joob' li we xwakliik ut xaqxo xkanaak, a'ut leere laa'ex xe'xsut li we ut xe'xk'utzub' rib' chiru”.

Génesis 27:37

Kichaq'ok laj Isahak ut kixye re laj Esaú: “K'e reetal, xink'e laj Jakob cho'q aj eechal aawe; xink'e chixjunileb' li riitz'in cho'q aj k'anjel chiru ut xink'e xtriiw ut xb'iin. Anaqwan k'a' ta chik ru tinb'aanu cho'q aawe, at walal?”.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

San Mateo 25:45

Ut a'an tixsumeheb' ut tixye: «Relik chi yaal ninye eere naq jo'ch'inal jo'nimal ink'a' xeb'aanu re junaq reheb' a'in li q'axal kok'eb', chi moko we laa'in xeb'aanu chaq».

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

1 Crónicas 5:2

Chirix chik a'an laj Judá kinimank xwankil chiruheb' li riitz'in ut sa' xyanqeb' a'an ki'elk jun aj jolominel;

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

Génesis 25:33

Kixye laj Jakob: “Ye we rik'in jurament anaqwan”. Ut a'an kixye rik'in jurament ut kixk'ayi li xb'eenil alalb'ejil re laj Jakob.

Génesis 9:27

Li Yos chixnimob'resi taxaq xwankil laj Jafet, chihilanq taxaq sa'eb' li xmuheb'aal laj Sem ut chikanaaq laj Kanahán cho'q aj k'anjel chiru a'an!”.

Génesis 27:30

Ak kiraqe'k laj Isahak chi rosob'tesinkil laj Jakob ut toja' taa'elq laj Jakob rik'in laj Isahak li xyuwa', naq kisutq'iik chaq chi yohok laj Esaú li asb'ej.

Génesis 27:40

Rik'in laach'iich' taakol rix laayu'am ut chiru laawiitz'in tatk'anjelaq; ab'an naq tatkawuuq, taawisi aawib' rub'el li xwankilal”.

Génesis 37:10

Naq laj José kixseeraq'i a'an re li xyuwa' ut reheb' li ras, li xyuwa' kixch'iila ut kixye re: “K'a' chi matk'il a'in li xawil? Ma tolqawiq'ib' tab'i' qib' chiru ch'och' chawu, laa'in, laana' ut eb' laawas?”.

Números 24:18

Taareechaniheb' laj Edom ut eb' laj Seír. K'ajo' naq taanimanq xwankil laj Israel.

Isaías 60:12

Li tenamit ut li awab'ejihom li ink'a' naraj k'anjelak chawu, te'sache'q ut te'oso'q chi junwaakaj.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».