Génesis 27:19 - Q'eqchi Bible

¹⁹ Kixye laj Jakob re li xyuwa': “Laa'in laj Esaú, li xb'een aawalal. Xinb'aanu jo' xaye we. Waklin, k'ojlan ut tzeka li xinyo chaq, re naq tinaawosob'tesi”, chan.

Li Santil hu

¹⁹ Laj Jacob quixye re lix yucuaꞌ: —La̱in li xbe̱n a̱cualal. Xinba̱nu li cꞌaꞌru xaye cue. Cueꞌ lix tibel a̱cua li xinyo chak. Ba̱nu usilal. Tatcuaꞌak ut tina̱cuosobtesi, chan laj Jacob.

Génesis 27:19 ပူးပေါင်းရင်းမြစ်များ

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

1 Reyes 14:2

Ut laj Jerobohán kixye re li rixaqil: “Tiqib' aawib' chi jalan, re naq ink'a' te'xk'e reetal naq laa'at rixaqil laj Jerobohán. Ayu aran Siló, xb'aan naq aran wank laj Ajías li propeet, li kiyehok we naq tin'ok cho'q awab'ej re li tenamit a'in.

Génesis 27:21

Kixye laj Isahak re laj Jakob: “Jilon chaq, at walal, tatinmaayu: ma laa'at laj Esaú li walal malaj ink'a'”.

Génesis 27:4

Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

Génesis 25:25

Kiyo'laak li xb'een, q'an'is li xjolom, q'ol is chixjunil li rix, ut aj Esaú ke'xk'e cho'q xk'ab'a'.

1 Reyes 13:18

Ab'anan li tiixil winq kixtik'ti'i ut kixye re: “Laa'in ajwi' jun propeet kama' laa'at. Ut jun x'ánjel li Qaawa' xtaqlaak chaq wik'in re xyeeb'al we: «B'oq chaq aawik'in sa' laawochoch, re taatzekanq ut taa'uk'aq»”.

Génesis 25:28

Laj Isahak naxra laj Esaú xb'aan naq nawulak chiru xtzekankil li naxyo chaq; ut lix Rebeka naxra laj Jakob.

Génesis 27:18

Laj Jakob kox'okaq wan wi' li xyuwa' ut kixye: “Wa'!”. Kixye laj Isahak: “We'kin. Anihat, at walal?”.

Génesis 27:31

Kixk'uub' a'an ajwi' chi chaab'il jun tzekemq ut naq kixk'am rik'in li xyuwa': “Waklin, at inyuwa' -chan re- ut tzeka li xyo chaq laawalal, re naq tinaawosob'tesi”.

Génesis 27:35

Kichaq'ok li yuwa'b'ej: “Xk'ulunk sa' b'alaq'il laawiitz'in ut xmaq' laawosob'tesinkil”, chan.

Génesis 27:45

Naq akaq xnume'k xjosq'il laawas ut xsachk sa' xch'ool li xab'aanu, toja' naq tintaqla aak'amb'al chaq. Ink'a' nawaj texinsach eekab'ichal sa' jun chi kutan”.