Génesis 26:7 - Q'eqchi Bible

⁷ Ut naq eb' li wankeb' aran ke'patz'ok chirix li rixaqil, laj Isahak kixye: “A'an li wanab'”, chan. Xb'aan naq naxiwak chi xyeeb'al naq lix Rebeka a'an rixaqil; mare anchal taakamsiiq xb'aaneb' li wankeb' aran, xb'aan naq ch'ina'usil ixq lix Rebeka.

Li Santil hu

⁷ Ut eb li cui̱nk li cuanqueb saꞌ li tenamit aꞌan queꞌxpatzꞌ re laj Isaac: —¿Ani li ixk aꞌan? chanqueb. Laj Isaac quichakꞌoc ut quixye reheb: —Aꞌan li cuanab, chan. Quixucuac chixyebal nak lix Rebeca, aꞌan rixakil xban nak lix Rebeca chꞌinaꞌus na-iloc. Aꞌan quixcꞌoxla nak ma̱re teꞌxcamsi re nak teꞌxcꞌam lix Rebeca.

Génesis 26:7 ပူးပေါင်းရင်းမြစ်များ

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Génesis 20:2

Aran laj Abrahán naxye naq lix Sara, li rixaqil, a'an ranab'. Jo'kan naq li awab'ej re Kerar, aj Abimélek xk'ab'a', kixtaqla xk'amb'al lix Sara.

Génesis 12:13

B'aanu b'i' usilal, chayehaq naq laa'at li wanab', re naq us tin'elq sa' aak'ab'a' ut tinkole'q xb'aan laawusilal”.

Génesis 24:16

Li ixqa'al a'an q'axal ch'ina'us rilb'al, toj tuq'ixq, maji' wanjenaq rik'in winq. Kikub'eek sa' li ha', kixnujob'resi li xkuk ut kitaqe'k chaq.

Colosenses 3:9

Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel,

Efesios 5:25

Ex b'eelomej, chera leerixaqil jo' naq li Kriist kixra li Iklees ut kixq'axtesi rib' sa' xk'ab'a' a'an

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Génesis 20:5

Ma ink'a' tab'i' xye we laj Abrahán: «A'an wanab'»? Ma ink'a' tab'i' li ixq xyehok: «A'an was»? Rik'in xchaab'ilal linch'ool ut chi saq ru li waanm xinb'aanu a'in”, chan.

Génesis 12:11

Naq yo chi nach'ok Ejiipt, kixye re xSaray li rixaqil: “Ab'i, ninnaw naq laa'at ch'ina'usil ixq.

Génesis 20:11

Kixye laj Abrahán: “Xinye sa' inch'ool: Mare sa' li tenamit a'in ink'a' neke'xxiwa ru li Yos; ut tine'xkamsi xb'aan li wixaqil -chankin sa' inch'ool-.

Génesis 26:6

Toja' naq laj Isahak koho sa' li tenamit Kerar re aatinak rik'in laj Abimélek, ut kina'ajunk aran.

Génesis 26:8

Ak junxilaj rokikeb' aran naq laj Abimélek, awab'ej re Filistea, ki'ilok sa' b'entaan ut kixk'e reetal naq laj Isahak yo chi xq'alunkil lix Rebeka li rixaqil.

Génesis 29:17

Lix Liiy wara wara rix ru, ut lix Rakel chaq'al ru ut ch'ina'us na'ilok.

Génesis 12:15

Ki'ile'k ajwi' ru xb'aaneb' laj tenq' re laj Parahón, ut eb' a'an q'axal chaab'il ke'xye chirix. Jo'kan naq kik'ame'k li ixq sa' rochoch laj Parahón.