Génesis 26:34 - Q'eqchi Bible

³⁴ Ka'k'aal chihab' wank re laj Esaú naq kixk'ameb' cho'q rixaqil lix Judit, xrab'in laj Beherí aj Hit, ut lix Basmat, xrab'in laj Elón aj Hit.

Li Santil hu

³⁴ Caꞌcꞌa̱l (40) chihab cuan re laj Esaú nak quixcꞌam lix Judit chokꞌ rixakil. Lix Judit aꞌan xrabin laj Beeri laj hitita. Ut quixcꞌam ajcuiꞌ chokꞌ rixakil lix Basemat, lix rabin laj Elón laj hitita.

Génesis 26:34 ပူးပေါင်းရင်းမြစ်များ

Génesis 36:2

Laj Esaú kixsik' eb' li rixaqil sa' xyanqeb' laj Kanahán: lix Adá, xrab'in laj Elón aj Hit; lix Oholibamá, xrab'in laj Aná ralal laj Sibón, Jor xtenamit,

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Génesis 36:13

Ut a'aneb' a'in li ralal xk'ajol laj Rewel: laj Nájat, laj Séraj, laj Samá ut laj Misá. A'aneb' a'in ralal xk'ajol lix Basmat, rixaqil laj Esaú.

Génesis 36:5

Lix Oholibamá kirala laj Yehús, laj Yalán ut laj Koré. A'aneb' a'in li ralal xk'ajol laj Esaú li ke'yo'laak aran Kanahán.

Génesis 28:9

Koho b'i' laj Esaú wan wi' laj Ismael, ralal laj Abrahán, ut kixk'am jun chik li ixq: a' lix Majalat, xrab'in laj Ismael ut ranab' laj Nebayot.

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

1 Corintios 7:2

Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

Génesis 27:46

Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Génesis 28:8

Jo'kan naq laj Esaú kixtaw ru naq eb' li ixq aj Kanahán ink'a' sa ilb'ileb' xb'aan laj Isahak li xyuwa'.

1 Samuel 26:6

Toja' naq laj David kiraatina laj Ajimélek, aj Hit, ut laj Abisay, li xyum lix Sarbia, riitz'in laj Johab; kixye reheb': “Ani eere traj kub'eek chiwix wan wi' laj Saúl sa' li xmuheb'aal?”. Kichaq'ok laj Abisay: “Laa'in tinxik chawix”, chan.