Génesis 25:31 - Q'eqchi Bible

³¹ Kixye laj Jakob: “K'ayi we anaqwan laab'eenil alalb'ejil”.

Li Santil hu

³¹ Ut laj Jacob quixye re laj Esaú: —Tinqꞌue a̱cue li cua cui ta̱cꞌayi chokꞌ cue la̱ primogenitura, li ta̱cue̱chani joꞌ xbe̱n alalbej, chan.

Génesis 25:31 ပူးပေါင်းရင်းမြစ်များ

Génesis 25:30

kixye re laj Jakob: “Ab'i, k'e b'ayaq chinyal li xkaqal ru laatzekemq, xb'aan naq xinlub'k” (jo'kan naq aj Edom ajwi' kixk'ab'a'in laj Esaú).

Génesis 25:32

Kichaq'ok laj Esaú: “Kamk we. K'aru taa'ok wi' we linb'eenil alalb'ejil?”, chan.

Deuteronomio 21:16

sa' xkutankil naq tixjek'i li k'aru wank re sa' xyanqeb' li ralal xk'ajol, moko taaruuq ta tixxaqab' cho'q xb'een alalb'ej li ralal li ixq jwal naxra, re xsachb'al xwankil li xyum li ixq ink'a' naxra, a' li tz'aqal xb'een alalb'ej.

Deuteronomio 21:17

Tento b'an tixk'e sa' xnaq' ru naq li xyum li ixq li ink'a' naxra, a'an li xb'een alalb'ej. Tento tixk'e re li xka' k'ihal chixjunil li k'aru wank re, xb'aan naq li alalb'ej a'in, xb'een ru li xwinqilal, wank xk'ulub' cho'q xb'een alalb'ejil.

1 Crónicas 5:1

Eb' li ralal xk'ajol laj Rubén, a' li xb'een ralal laj Israel, a'aneb' a'in: laj Janok, laj Palú, laj Jesrón ut laj Karmí. Laj Rubén a'an tz'aqal li xb'een alalb'ej, ab'anan kixtz'eq chaq li xk'ulub' raj xk'ulb'al jo' xb'een alalb'ej, xb'aan naq kixmux li rixaqil li xyuwa', ut a'eb' chik li ralal xk'ajol laj José, ralal ajwi' laj Israel, ke'k'uluk re li k'ulub'ej a'an.

1 Crónicas 5:2

Chirix chik a'an laj Judá kinimank xwankil chiruheb' li riitz'in ut sa' xyanqeb' a'an ki'elk jun aj jolominel;

Génesis 27:36

Kixye laj Esaú: “Jo'kan pe' naq aj Jakob naxk'ab'a'in, xb'aan naq ka' sut xb'aanu we a'in: xmaq' linb'eenil alalb'ejil, ut anaqwan xmaq' li wosob'tesinkil”. Kixye ajwi': “Ma ink'a' xak'uula junaq wosob'tesinkil?”.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.