Génesis 24:40 - Q'eqchi Bible

⁴⁰ Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Li Santil hu

⁴⁰ Ut aꞌan quixye cue, “Matcꞌoxlac. Li Ka̱cuaꞌ Dios li na-iloc cue, aꞌan tixtakla chak junak lix ángel cha̱cuochbeninquil. Li ángel aꞌan tatxtenkꞌa re nak us tat-e̱lk saꞌ la̱ viaje nak tatxic aran. Ta̱sicꞌ junak rixakil li cualal saꞌ xya̱nkeb lin comon,” chan cue.

Génesis 24:40 ပူးပေါင်းရင်းမြစ်များ

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Salmos 16:8

Junelik nink'oxla li Qaawa'; wi wank chink'atq, ink'a' taach'inanq li waanm.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Salmos 91:11

Li Qaawa' tixtaqlaheb' li x'ánjel chatenq'ankil re naq tate'xb'eres sa' chixjunil laab'eenik.

Salmos 1:3

Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Génesis 5:22

Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.

Génesis 24:56

Ab'an laj k'anjel chiru laj Abrahán kixye: “Mineeb'ay. Li Qaawa' xrusila linb'eenik. Jo'kan naq kanab'omaqin chi elk re naq tinxik rik'in laj eechal we”, chan.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.