Génesis 23:20 - Q'eqchi Bible

²⁰ Jo'kan naq li ch'och' a'an ut li ochoch pek li wank chisa' ki'eechaniik xb'aan laj Abrahán ut kik'ehe'k re xb'aaneb' laj Hit, re naq aran te'muqe'q eb' li kamenaq.

Li Santil hu

²⁰ Li chꞌochꞌ ut li ochoch pec ac kꞌaxtesinbil chic saꞌ rukꞌ laj Abraham xbaneb laj hititas. Li naꞌajej aꞌan re chic laj Abraham ut ta̱cꞌanjelak chiru re xmukbaleb lix camenak.

Génesis 23:20 ပူးပေါင်းရင်းမြစ်များ

2 Reyes 21:18

Naq laj Manasés kiq'ajk kisutq'iik rik'ineb' li xxe'toonil yuwa', kimuqe'k sa' xyanq li ruutz'u'ujil li rochoch, sa' rawimq laj Usá, ut a' chik laj Amón li ralal kikanaak chi awab'ejink sa' xna'aj.

2 Samuel 24:24

Ab'an li awab'ej kixye re laj Arawná: “Ink'a'. Twaj xloq'b'al a'an, twaj xtojb'al aawe. Ink'a' nawaj xyeechi'inkil mayej chiru li Qaawa' linYos wi ink'a' xinriila”. Jo'kan naq laj David kixloq' li ch'oxleb'aal ut eb' li b'ooyx chiru lajeeb' roxk'aal chi tumin plaat,

Génesis 50:13

ke'xk'am li xyuwa'ilqeb' aran Kanahán ut koxe'xmuq sa' li ochoch pek li wank sa' li na'ajej Makpelá xk'ab'a', a' li ch'och' kixloq' laj Abrahán cho'q xmuqleb'aal rik'in laj Efrón aj Hit, sa' xjayal Mambré.

Génesis 50:5

«Naq yo chi wulak xq'ehil li xkamik, linyuwa' xye we: Kamk we; tinaamuq sa' li muqleb'aal inhopom chaq sa' xch'och'eb' laj Kanahán, chan. Ut laa'in xinb'aanu li jurament rik'in. Anaqwan b'i' kanab'in chi xik chi xmuqb'al linyuwa' ut, akaq xinb'aanu chaq a'in, tinsutq'iiq chaq wi' chik»”.

Génesis 25:9

Eb' li ralal laj Isahak ut laj Ismael koxe'xmuq li xyuwa' sa' li ochoch pek wank Makpelá, chi xnub'ajlil li xch'och' laj Efrón, ralal laj Sójar aj Hit, sa' xjayal Mambré.

Génesis 10:15

Laj Kanahán a'an chaq xyuwa' laj Sidón, li xb'een ralal; ut xyuwa' ajwi' laj Het.

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Génesis 23:19

Chirix chik a'an laj Abrahán kixmuq lix Sara li rixaqil sa' li ochoch pek li wank Makpelá, sa' xjayal Mambré (Hebrón ajwi' xk'ab'a'), sa' xteepal Kanahán.

Génesis 25:10

Sa' li ch'och' li kixloq' rik'ineb' laj Hit kimuqe'k laj Abrahán rochb'een lix Sara li rixaqil.

Génesis 49:29

Chirix chik a'an laj Jakob kixchaq'rab'iheb' li ralal chi jo'ka'in: “Xik we. Tinq'ajq tinsutq'iiq rik'ineb' linkomon. Chineemuqaq wankeb' wi' linxe'toonil yuwa', sa' li ochoch pek li wank sa' xch'och' laj Efrón aj Hit,