Génesis 23:2 - Q'eqchi Bible

² ut kikamk aran Kiryat-Arbá, Hebrón ajwi' nayeemank re, sa' xteepal Kanahán. Laj Abrahán kiraho'k xch'ool ut kiyaab'ak xb'aan xkamik li rixaqil.

Li Santil hu

² Quicam saꞌ li tenamit Quiriat-arba, li nayeman ajcuiꞌ Hebrón. Li tenamit aꞌan cuan saꞌ xcue̱nt Canaán. Laj Abraham kꞌaxal ra saꞌ xchꞌo̱l xban nak quicam lix Sara, ut cꞌajoꞌ nak quiya̱bac chirix.

Génesis 23:2 ပူးပေါင်းရင်းမြစ်များ

Génesis 23:19

Chirix chik a'an laj Abrahán kixmuq lix Sara li rixaqil sa' li ochoch pek li wank Makpelá, sa' xjayal Mambré (Hebrón ajwi' xk'ab'a'), sa' xteepal Kanahán.

Génesis 13:18

Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

1 Crónicas 6:57

Eb' li ralal xk'ajol laj Aharón ke'xk'ul cho'q na'ajej te'xkol wi' rib' laj kamsinel ras riitz'in, li tenamit Hebrón jo'wi' Libná ut eb' li xk'aleb'aal, Yatir ut Estemoha rochb'een li xk'aleb'aaleb',

Jueces 1:10

Eb' laj Judá koheb' ajwi' chi yalok rik'ineb' laj Kanahán li wankeb' Hebrón (Kiryat-Arbá nayeemank re Hebrón junxil) ut ke'xsach ruheb' laj Sesay, laj Ajimán ut laj Talmay.

Hechos 8:2

Wankeb' winq chaab'ileb' xch'ool ke'xmuq laj Esteban ut najt ke'yaab'ak chirix.

San Juan 11:35

Li Jesus ki'ok chi yaab'ak.

San Juan 11:31

Naq ke'ril naq lix María kixaqliik sa' junpaat ut ki'elk, eb' laj Judiiy li wankeb' chaq sa' kab'l chi xk'ojob'ankil xch'ool ke'xtaaqe: sa' xch'ooleb' naq koho chi yaab'ak wan wi' li muqleb'aal.

Jeremías 22:18

Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

Jeremías 22:10

Mexyaab'ak chirix li awab'ej Josías, miraho'k leech'ool chirix li ak xq'ajk xsutq'iik; yaab'anqex b'an chirix laj Salún li toj kamk re, xb'aan naq maajoq'e chik taasutq'iiq chaq chi moko taaril ta chik li na'ajej kiyo'laak wi'.

2 Crónicas 35:25

Laj Jeremías kixk'uub' jun li b'ich re rahil ch'oolej sa' xk'ab'a' laj Josías. Chalen toj anaqwan chixjunileb' laj b'ichanel winq ut ixq neke'aatinak chirix laj Josías sa' li xb'icheb', ut k'aynaqeb' laj Israel chi xb'aanunkil a'an. Natawmank li b'ich a'in sa' xHuhil li rahil ch'oolej.

2 Samuel 5:5

Aran Hebrón ki'awab'ejink wuqub' chihab' rik'in waqib' po; moqon chik sa' li tenamit Jerusalén kitaqlank sa' xb'eeneb' chixjunileb' laj Israel ut laj Judá chiru oxlaju xka'k'aal chihab'.

2 Samuel 5:3

Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel.

2 Samuel 2:11

Wuqub' chihab' rik'in waqib' po ki'awab'ejink laj David aran Hebrón sa' xb'eeneb' laj Judá.

2 Samuel 1:17

Laj David kixb'icha li rahil b'ich a'in chirix laj Saúl ut laj Jonatán li ralal,

2 Samuel 1:12

Ke'ayuunik toj ki'ewuuk, neke'huyhutk chi yaab'ak chirix laj Saúl ut laj Jonatán li ralal, xb'aan naq naab'aleb' laj Israel, li xtenamit li Qaawa', ke'kamsiik chi ch'iich'.

1 Samuel 28:3

Ak kamenaq chik laj Samuel, ut chixjunileb' laj Israel ke'yaab'ak chirix ut ke'xmuq aran Ramá, sa' li xtenamit. Laj Saúl ak kirisiheb' sa' xyanqeb' laj Israel chixjunileb' laj q'e ut eb' laj aatinanel rik'in kamenaq.

1 Samuel 20:31

Ab'an anaqwan ab'i chi us: jo' najtil toj yo'yooq li ralal laj Jesé sa' ruuchich'och', ink'a' naru tat-ok cho'q awab'ej laa'at chi moko eb' laawalal aak'ajol. Jo'kan b'i' taqla xsik'b'al laj David ut k'am chaq we, xb'aan naq tento taakamq”.

Josué 20:7

Toja' naq eb' laj Israel ke'xsik' ruheb': Kadés re Galilea sa' li xtzuulul Neftalí; Sikem sa' li xtzuulul Efraín; Kiryat-Arbá malaj Hebrón, sa' li xtzuulul Judá.

Josué 10:39

Ke'xchap Debir; ke'xchap ajwi' li awab'ej ut chixjunileb' li poyanam. Ke'xkamsi chi ch'iich' ut ke'xsach ru jo'k'ihaleb' li wankeb' xyu'am aran: maajun chik kikanaak chi yo'yo. Jo' naq xk'ulumeb' li tenamit Hebrón, jo'wi' Libná ut li x'awab'ejeb', jo'kan ajwi' kixk'ul Debir ut li x'awab'ejeb'.

Deuteronomio 34:8

Lajeeb' xka'k'aal kutan ke'xyaab'a rix li xkamik laj Moisés eb' laj Israel, sa' xtaq'ahil Mohab, toj reetal kiraqe'k li xkutankil li rahil ch'oolejil.

Números 20:29

Naq li xkomonileb' laj Israel ke'rab'i resil li xkamik laj Aharón, chixjunileb' ke'xyaab'a laj Aharón chiru jun po.

Números 13:22

Ke'taqe'k chiru Nejeb ut ke'wulak toj Hebrón, b'arwi' wankeb' laj Ajimán, laj Sesay ut laj Talmay, ralal xk'ajoleb' laj Anak. Hebrón kik'ojob'aak wuqub' chihab' junxilaj chiru Sohán sa' xteepal Ejiipt.

Génesis 50:10

Naq ke'wulak Koren-Atad, li wank junpak'al li nima' Jordán, aran ke'xyo'le li kamenaq chi q'axal raheb' xch'ool, ut laj José kixyaab'a li xyuwa'ilq chiru wuqub' kutan.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 23:1

Wuqub' xwuqk'aal (127) chihab' kiyo'yook lix Sara sa' ruuchich'och',

Génesis 24:67

ut laj Isahak kiroksi lix Rebeka sa' xmuheb'aal lix Sara; kixk'am lix Rebeka cho'q rixaqil ut q'axal kixra. Ut rik'in a'an kik'ojlaak xch'ool laj Isahak chirix xkamik li xna'alq.

Génesis 35:27

Laj Jakob kiwulak wan wi' laj Isahak li xyuwa', aran Mambré, Kiryat-Arbá ajwi' xk'ab'a' (Hebrón nayeemank re anaqwan), b'arwi' ke'wank laj Abrahán ut laj Isahak.

Génesis 37:14

“Ayu chi rilb'aleb' chanru wankeb' laawas ut eb' li ketomq: ma saheb' sa' xch'ool, ut tulaaye resileb' we”, chan li yuwa'b'ej. Ut kixtaqla laj José. A'an ki'elk sa' xtaq'ahil Hebrón ut koho Sikem.

Josué 15:13

Laj Josué kixk'e xna'aj laj Kaleb, ralal laj Jefuné, sa' xyanqeb' li ralal xk'ajol laj Judá, jo' kiyehe'k re xb'aan li Qaawa'. Li xna'aj laj Kaleb a'an Kiryat-Arbá malaj Hebrón, a' li xtenamit li xyuwa' laj Anak.

Josué 15:54

Jumtá, Kiryat-Arbá (Hebrón ajwi' naxk'ab'a'in) ut Sijor. Naraj naxye, b'eleeb' chi tenamit rochb'eeneb' xk'aleb'aaleb'.

Josué 21:11

A' li tenamit Kiryat-Arbá kik'ehe'k reheb' (Hebrón ajwi' xk'ab'a'; xtenamit li xyuwa' laj Anak), sa' li tzuul li wank sa' xteepal Judá, rochb'een li ch'och' re k'iiresink ketomq wank chi xsutam.

Nehemías 11:25

Wan reheb' laj Judá ink'a' ke'kanaak Jerusalén. A'aneb' a'in li poyanam li ke'kanaak wi': Kiryat-Arbá, Dibón, Jekabsel,

Génesis 50:1

Laj José kixhupub' rib' chi yaab'ak sa' xb'een li xyuwa' ut kixtz'ub' ru.

1 Samuel 25:1

Naq laj Samuel kikamk, chixjunileb' laj Israel ke'xch'utub' rib' re xyaab'ankil ut ke'xmuq sa' li xch'och', aran Ramá.