Génesis 22:2 - Q'eqchi Bible

² Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Li Santil hu

² Li Dios quixye re: —Cꞌam la̱ cualal li jun ajcuiꞌ cha̱cuu. Aꞌan laj Isaac li kꞌaxal raro a̱ban. Ta̱cꞌam aꞌan saꞌ li naꞌajej Moriah saꞌ li tzu̱l li tincꞌut cha̱cuu. Ut aran ta̱qꞌue la̱ cualal chokꞌ jun cꞌatbil mayej chicuu, chan li Dios.

Génesis 22:2 ပူးပေါင်းရင်းမြစ်များ

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

Hebreos 11:17

Sa' xk'ab'a' li xpaab'aal laj Abrahán, li rab'ihom chik li xyeechi'om li Yos, kiyale'k rix ut kixmayeja laj Isahak, li ralal jun chirib'il,

Génesis 22:16

ut kixye re: “Li Qaawa' xye chi jo'ka'in: «Xwil naq xab'aanu a'in ut ink'a' xaram chiwu laawalal li junaj chirib'il.

Génesis 17:19

Kichaq'ok li Yos ut kixye: “Relik chi yaal naq lix Sara laawixaqil taawanq xk'uula'al, ut aj Isahak taak'e cho'q xk'ab'a'. Laa'in tink'ojob' linSumwank rik'in chi junelik: laa'inaq li xYos ut xYoseb' ajwi' li ralal xk'ajol.

2 Reyes 3:27

Toja' naq kixchap li xb'een ralal, a' li taa'awab'ejinq raj sa' xna'aj, ut kixk'at cho'q xmayej sa' xb'een li suttz'ak. K'ajo' naq ke'ok xxiw eb' laj Israel! Ke'elk aran ut ke'sutq'iik sa' li xtenamiteb'.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

2 Crónicas 3:1

Laj Salomón kixtikib' xkab'lankil li rochoch li Qaawa' aran Jerusalén, sa' li tzuul Moria xk'ab'a', b'arwi' kixk'ut rib' li Qaawa' chiru laj David li xyuwa', sa' li na'ajej kixk'uub' laj David, sa' xch'oxleb'aal laj Ornán, Jebús xtenamit.

Jueces 11:39

Naq ak xnume'k li wiib' po, kisutq'iik chaq rik'in li xyuwa', ut a'in kixb'aanu re jo' chanru yeechi'inb'il chaq chiru li Yos. Li ixqa'al ink'a' wanjenaq rik'in winq.

Jueces 11:31

laa'in tinmayeja chawu li xb'een taa'elq chaq sa' li wochoch chink'ulb'al naq tinsutq'iiq chaq sa' tuqtuukilal. K'atb'il mayej naq tinq'axtesi aawe”, chan.

Génesis 21:12

Ab'an li Yos kixye re laj Abrahán: “Miraho'k aach'ool chirix laamoos ixq. Chixjunil li tixye aawe lix Sara, chapaab', xb'aan naq eb' li te'k'amoq re laak'ab'a' a'aneb' li ralal xk'ajol laj Isahak.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

Miqueas 6:7

Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Génesis 22:3

Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

Génesis 22:9

Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

Génesis 21:3

Ut laj Abrahán kixk'e Isahak cho'q xk'ab'a' li k'uula'al li kiyo'laak, a' li kiyo'laak rik'in xSara.