Génesis 22:17 - Q'eqchi Bible

¹⁷ Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Li Santil hu

¹⁷ Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 22:17 ပူးပေါင်းရင်းမြစ်များ

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Jeremías 33:22

Jo' naq ink'a' naru rajlankileb' li chahim chiru li choxa chi moko naru xb'isb'al li samahib' chire li palaw, jo'kan ajwi' naq tinpuktesiheb' li ralal xk'ajol laj David jo'wi' eb' li ralal xk'ajoleb' laj tij xkomoneb' laj Leví, aj k'anjeleb' chiwu”.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Deuteronomio 1:10

Li Qaawa' leeYos xexnaab'alob'resi, ut anaqwan laa'ex chik jo'eb' li chahim chiru choxa.

Génesis 32:12

Laa'at xatyehok we: «Relik chi yaal naq chaab'ilaqin aawik'in. Tink'eheb' chi k'ihank laawalal aak'ajol: jo'aqeb' li samahib' chire li palaw li ink'a' naru rajlankil xb'aan xk'ihal», chankat we”, chan laj Jakob.

1 Corintios 15:57

Ab'anan, b'anyox re li Yos, A'an nokooxk'e chi xq'axb'al ru xwankil li kamk sa' xk'ab'a' li Qaawa' Jesukriist!

Jeremías 32:22

Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.

Miqueas 1:9

Xb'aan naq li xrahilal Samaria maak'a' xb'anol: xwulak toj Judá, ut xo'xtaw ajwi' li rokeb'aal Jerusalén b'arwi' wankeb' lintenamit.

1 Reyes 9:26

Laj Salomón li awab'ej kixyiib' naab'aleb' li jukub' sa' li tenamit Esión-Kéber, nach' rik'in Elat, li wank chire li palaw Suf, sa' xteepal Edom.

Deuteronomio 21:19

Toja' naq li xna' xyuwa' te'xchap ut te'xk'am wan wi' li rokeb'aal li tenamit, rik'ineb' li cheekel winq,

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 17:6

Q'axal naab'aleb' laawalal aak'ajol li tink'e aawe; aawik'in twisi naab'aleb' chi tenamit ut wanqeb' awab'ej li te'elje'q aawik'in.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Romanos 4:13

Naq li Yos kixyeechi'i chaq re laj Abrahán jo'wi' reheb' li ralal xk'ajol naq te'reechani li ruuchich'och', relik chi yaal naq moko sa' xk'ab'a' ta li Chaq'rab' naq ki'uxk li yeechi'om a'in, sa' xk'ab'a' b'an li tiikil ch'oolej kixk'ul rik'in naq kixpaab'.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Hebreos 6:14

naq kixye: “Relik chi yaal naq q'axal tatwosob'tesi ut tatink'ihob'resi chi yo'oon”.

Hebreos 11:12

Chi jo'kan rik'in jun ajwi' chi winq ak tiix chi us ke'yo'laak ralal xk'ajol kama' xk'ihaleb' li chahim chiru choxa, kama' li samahib' chire li palaw, li ink'a' naru rajlankileb'.

Génesis 25:11

Chirix chik xkamik laj Abrahán, li Yos kirosob'tesi laj Isahak li ralal; ut laj Isahak kikanaak chi xk'atq li ha' “Li Yo'yo li na'ilok we” xk'ab'a'.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Deuteronomio 10:22

Lajeeb' xkaak'aaleb' ajwi' laaxe'toonil yuwa' naq ke'kub'eek Ejiipt, ut anaqwan li Qaawa' laaYos xatxk'e chi k'ihank jo' xk'ihaleb' li chahim sa' choxa.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

1 Crónicas 27:23

Laj David ink'a' kirajlaheb' li toj maji' neke'tz'aqlok junmay chihab', xb'aan naq li Qaawa' ak xyehom naq tixnaab'alob'resiheb' laj Israel jo'eb' li chahim chiru choxa.

2 Crónicas 1:9

At Qaawa' Yos, anaqwan b'aanu li k'aru xayeechi'i re laj David linyuwa', xb'aan naq xinaaxaqab' cho'q awab'ej sa' xb'een jun li tenamit q'axal nim: naab'aleb' jo' li xpojtz'il li ruuchich'och'.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Génesis 32:13

Laj Jakob kixnumsi li q'oqyink aran. Moqon chik, sa' xyanq li jo'ch'inal jo'nimal wank chiru, kixchap jun maatan li tixk'e re laj Esaú li ras:

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Deuteronomio 1:11

A' taxaq li Qaawa', li xYos leexe'toonal, chexk'ihob'resi chi k'iila o'q'ob' ut chexrosob'tesi jo' chanru xyeechi'om chaq.

Deuteronomio 13:18

Tixb'aanu chi jo'kan wi taawab'i xyaab' xkux li Qaawa' laaYos ut taapaab' chixjunil li xchaq'rab' xink'e aawe anaqwan, ut wanqat sa' tiikilal chiru li Qaawa' laaYos.

2 Samuel 17:11

Jo'kan naq li na'leb' nink'e laa'in, a'an naq taach'utub' chixjunileb' laj Israel, chalen chaq Dan toj Berseba (a'aneb' naab'aleb' kama' li samahib' wank chire li palaw), ut laa'at tatk'amoq xb'eheb' sa' li yalok.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

Nehemías 9:23

Ut kanaab'alob'resiheb' li ralal xk'ajoleb' jo' xk'ihal li chahim chiru choxa; ut kak'ameb' sa' li ch'och' li kaye naq te'reechani li xna' xyuwa'eb'.

Isaías 48:19

K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

Oseas 2:1

Yehomaq reheb' leeras eeriitz'in: “Intenamitex”, ut yehomaq reheb' leeranab': “Uxtaananb'ilex”.