Génesis 21:8 - Q'eqchi Bible

⁸ Kik'iik li k'uula'al ut kimaq'e'k li xtu'. Ut laj Abrahán kixk'e jun nimla ninq'e sa' li kutan a'an.

Li Santil hu

⁸ Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

Génesis 21:8 ပူးပေါင်းရင်းမြစ်များ

1 Samuel 1:22

Ab'an lix Ana ink'a' koho, xb'aan naq kixye re li xb'eelom: “Naq akaq xmaq'mank chi tu' li k'uula'al, toja' naq tinxik chi xq'axtesinkil chiru li Qaawa'. Ut aran taakanaaq chi junajwa”.

Oseas 1:8

Naq ak xmaq'e'k xtu' li «Ink'a' uxtaananb'il ru», lix Gómer kiwank jun chik xk'uula'al teelom.

Salmos 131:2

Wankin b'an sa' xyaalal ut tuqtuukilal, kama' jun k'uula'al toj xmaq'e'k li xtu'. K'ojk'o li waanm jo' jun k'uula'al toj xmaq'e'k li xtu'.

1 Reyes 3:15

Naq ki'ajk ru laj Salomón, kixk'e reetal naq a'an yal jun matk'! Toja' naq kiwakliik ut koho Jerusalén. Koxxaqab' rib' chiru li xLoq'laj Kaaxil li xSumwank li Qaawa', kixyeechi'i xk'atb'il mayej ut kimayejak ajwi' chirix li k'amok ib' sa' usilal rik'in li Yos; chirix chik a'an kixk'uub' jun ninq'e cho'q reheb' chixjunileb' laj k'anjel chiru.

2 Samuel 3:20

Kiwulak Hebrón rik'in laj David, rochb'eeneb' junmay chi winq. Ut laj David kixb'aanu jun ninq'e sa' xk'ab'a' laj Abner ut eb' li wankeb' rochb'een.

Génesis 40:20

Sa' rox li kutan laj Parahón kixninq'ehi li xyo'lajik ut kixk'e jun nimla wa'ak cho'q reheb' chixjunil laj k'anjel chiru ut kiraqok wi' chik aatin sa' xb'een laj jolominel reheb' laj k'ehol uk'a' ut sa' xb'een laj jolominel reheb' laj yiib'ahom kaxlan wa, chiruheb' chixjunil laj k'anjel:

Génesis 29:22

Toja' naq laj Labán kixb'oq chixjunileb' li rech k'alebaalil ut kixk'e jun nimla ninq'e.

Génesis 26:30

Toja' naq laj Isahak kixk'e jun ninq'e; ke'wa'ak ut ke'uk'ak.

Génesis 19:3

A'ut laj Lot kirelaji ruheb' toj reetal ke'hilank sa' rochoch. Ut kixk'uub' xtzekemqeb', kixyiib' xwaheb', ut ke'wa'ak.

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Jueces 14:12

Toja' naq laj Sansón kixye reheb': “Tinye junaq aatin re teeq'ehi. Wi teeye we k'aru li xyaalal chiru li wuqub' kutan naq yooko chi ninq'ehik, tink'e eere lajeeb' xka'k'aal chi jut-aq' ut lajeeb' xka'k'aal chi chaab'il b'aatal.

Jueces 14:10

Li xyuwa' koho sa' rochoch li ixq ut aran laj Sansón kixb'aanu jun ninq'e jo' k'aynaqeb' xb'aanunkil li saaj winq.

Génesis 21:7

Ani anchal xyehok re laj Abrahán naq lix Sara taatu'resinq k'uula'al? Us b'i', laa'in xink'e jun xk'uula'al sa' xtiixilal”.

Génesis 21:9

Kiril lix Sara naq li ralal laj Abrahán li kiyo'laak rik'in lix Agar aj Ejiipt, yo chi b'atz'unk rik'in li xyum;

1 Samuel 1:24

Ut naq kixmaq' chi tu', kixk'am chirix. Kixk'am ajwi' oxib' saaj wakax, jun chakach chi k'aj ut jun kuk chi b'iin, ut kiroksi li xk'uula'al, chi toj kach'in, sa' rochoch li Qaawa' aran Siló.