Génesis 21:32 - Q'eqchi Bible

³² Naq ak xe'xk'ojob' li sumwank aran Berseba, laj Abimélek rochb'een laj Pikol, xjolomileb' laj puub', ke'xaqliik ut ke'sutq'iik sa' xtenamiteb' laj Filistea.

Li Santil hu

³² Nak ac xeꞌxba̱nu li contrato, laj Abimelec rochben laj Ficol, queꞌsukꞌi saꞌ lix tenamiteb. Laj Abimelec ut laj Ficol, aꞌaneb laj filisteo.

Génesis 21:32 ပူးပေါင်းရင်းမြစ်များ

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

Jueces 13:1

Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

Éxodo 13:17

Naq laj Parahón kixkanab'eb' chi elk li tenamit, li Yos ink'a' kixk'ameb' sa' xb'ehil xch'och'eb' laj Filistea, us ta jwal nach' li b'e a'an, xb'aan naq kixye sa' xch'ool li Qaawa': “Mare anchal te'ok chi yalok lintenamit, ut naq te'xk'ul a'an, te'yot'e'q xch'ool ut te'sutq'iiq wi' chik Ejiipt”.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Génesis 26:14

Wankeb' xkarneer, xwakax ut naab'aleb' laj k'anjel chiru. Ut eb' laj Filistea ke'ok chi xkaqalinkil.

Génesis 26:8

Ak junxilaj rokikeb' aran naq laj Abimélek, awab'ej re Filistea, ki'ilok sa' b'entaan ut kixk'e reetal naq laj Isahak yo chi xq'alunkil lix Rebeka li rixaqil.

Génesis 21:27

Toja' naq laj Abrahán kixchapeb' xkarneer ut xwakax, kixk'eheb' re laj Abimélek ut ke'xk'ojob' jun sumwank.

Génesis 14:13

Ab'anan jun reheb' li ke'elelik kulxye resil re laj Abrán, a' laj Hebreo, li wank wan wi' li ji re Mambré aj Amor, ras laj Eskol ut laj Aner: eb' a'in wankeb' chi sum'aatin rik'in laj Abrán.

Génesis 10:14

eb' laj Patrús, eb' laj Kasluj ut eb' laj Kaftor, b'arwi' ke'elk chaq eb' laj Filistea.

Génesis 21:31

Jo'kan naq li na'ajej a'an Berseba naxk'ab'a'in, xb'aan naq aran laj Abrahán ut laj Abimélek ke'xk'e rib' sa' aatin rik'in jurament.

Génesis 21:33

Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

Génesis 31:44

Kim b'i', ut qaxaqab'aq jun sumwank qakab'ichal li taach'olob'anq li yaal chiqix”.