Génesis 21:3 - Q'eqchi Bible

³ Ut laj Abrahán kixk'e Isahak cho'q xk'ab'a' li k'uula'al li kiyo'laak, a' li kiyo'laak rik'in xSara.

Li Santil hu

³ Laj Abraham quixqꞌue aj Isaac chokꞌ xcꞌabaꞌ li ralal li quicuan riqꞌuin lix Sara.

Génesis 21:3 ပူးပေါင်းရင်းမြစ်များ

Génesis 17:19

Kichaq'ok li Yos ut kixye: “Relik chi yaal naq lix Sara laawixaqil taawanq xk'uula'al, ut aj Isahak taak'e cho'q xk'ab'a'. Laa'in tink'ojob' linSumwank rik'in chi junelik: laa'inaq li xYos ut xYoseb' ajwi' li ralal xk'ajol.

Romanos 9:7

chi moko chixjunileb' li yo'lajenaqeb' sa' riyajil laj Abrahán a'aneb' tz'aqal ralal xk'ajoleb'. Kixye li Yos re laj Abrahán: “Sa' xk'ab'a' laj Isahak te'wanq aawalal aak'ajol li te'k'amoq re laak'ab'a'”.

Génesis 21:6

Toja' naq kixye lix Sara: “Li Yos xinxk'e chi se'ek; chixjunil li taa'ab'inq re a'an, taase'eq wochb'een.

Hebreos 11:18

us ta ak yeeb'il re: “Sa' xk'ab'a' laj Isahak te'wanq aawalal aak'ajol”.

San Mateo 1:2

Laj Abrahán a'an chaq xyuwa' laj Isahak, laj Isahak a'an xyuwa' laj Jakob, laj Jakob a'an xyuwa' laj Judá jo'wi' eb' li riitz'in.

Josué 24:3

Chire li nima' Éwfrates kinchap laj Abrahán leeyuwa' ut kink'e chi xb'eeninkil chixjunil li na'ajej Kanahán. Kinnaab'alob'resi eb' li ralal xk'ajol rik'in xk'eeb'al xb'enwa laj Isahak cho'q ralal.

Hechos 7:8

Kixk'ojob' li Sumwank rik'in ut kixk'e li sirkunsisyon cho'q reetalil. Jo'kan naq, sa' xyo'lajik Isahak, laj Abrahán kixset xtz'uumal li xtz'ejwal sa' li xwaqxaq kutan; ut jo'kan ajwi' kixb'aanu laj Isahak re laj Jakob, ut laj Jakob reheb' li kab'laju chi qaxe' qatoon.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Génesis 21:12

Ab'an li Yos kixye re laj Abrahán: “Miraho'k aach'ool chirix laamoos ixq. Chixjunil li tixye aawe lix Sara, chapaab', xb'aan naq eb' li te'k'amoq re laak'ab'a' a'aneb' li ralal xk'ajol laj Isahak.

Génesis 17:21

Ab'anan tink'ojob' linSumwank ka'ajwi' rik'in laj Isahak, li taayo'laaq rik'in lix Sara sa' li chihab' chalk re, sa'eb' li kutan a'in”.

Génesis 25:19

A'an a'in resil eb' li ralal xk'ajol laj Isahak, ralal laj Abrahán. Laj Abrahán a'an xyuwa' laj Isahak.