Génesis 21:14 - Q'eqchi Bible

¹⁴ Kiwakliik laj Abrahán toj eq'la. Kixk'e chi xk'am xwa ut jun kuk xha' lix Agar; kixk'e chi xjelo li ch'ina'al ut kixchaq'rab'i. Ut a'an kixchap xb'e ut koho sa' li chaqich'och', sa' xteepal Berseba.

Li Santil hu

¹⁴ Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

Génesis 21:14 ပူးပေါင်းရင်းမြစ်များ

San Juan 8:35

Li na'eechaniik xb'aan anihaq, ink'a' nakanaak chi junajwa sa' li kab'l; a'ut li alalb'ej nakanaak chi junajwa.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Proverbios 27:14

Li naxjap re chi xk'eeb'al xsahil xch'ool li ramiiw toj eq'la, a'an chanchan xmajewankil.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Salmos 107:4

Ke'xb'eeni rib' sa' li chaqich'och', sa' junesal na'ajej, chi ink'a' neke'xtaw xb'ehil junaq tenamit te'wanq wi'.

1 Reyes 19:3

Naq kirab'i a'an, laj Elías kichalk xxiw ut ki'elelik re xkolb'al rib': koho toj Berseba li wank sa' xteepal Judá, ut aran kixkanab' laj k'anjel chiru.

Génesis 26:31

Naq kisaqewk, ke'wakliik ut ke'xk'e li jurament chirib'ileb' rib'. Chirix chik a'an laj Isahak kixchaq'rab'iheb' ut koheb' sa' tuqtuukilal.

Génesis 25:6

Ab'an eb' li ralal laj Abrahán rik'ineb' li rixaqil junch'ol chik kixk'eheb' xmaatan ut kixtaqlaheb' sa' li na'ajej na'elk wi' li saq'e, najt rik'in laj Isahak.

Génesis 21:31

Jo'kan naq li na'ajej a'an Berseba naxk'ab'a'in, xb'aan naq aran laj Abrahán ut laj Abimélek ke'xk'e rib' sa' aatin rik'in jurament.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

Isaías 16:8

Xb'aan naq xchaqik li awimq re Jesbón, jo'kan ajwi' eb' li xna'aj li uub' re Sibmá: xe'yeq'iik xb'aaneb' li xyuwa'ileb' li tenamit, li xe'sachok re li chaab'il awimq li nawulak toj sa' li tenamit Jaser, nokox'elq toj sa' li chaqich'och' ut nokoxnume'q toj junpak'al li palaw.

Génesis 46:1

Laj Israel ki'elk aran ut kixk'am chirix chixjunil li k'aru wank re. Naq kiwulak Berseba, kimayejak chiru li xYos laj Isahak li xyuwa'.

Génesis 37:15

Koxtawe'q xb'aan jun li winq naq yo chi b'eek sa' k'aleb'aal. Ut li winq kixpatz' re: “K'aru nakasik'?”, chan re.

Génesis 26:33

Laj Isahak kixk'e Sebá cho'q xk'ab'a' li ha' a'an: jo'kan naq Berseba naxk'ab'a'in li tenamit a'an chalen toj anaqwan.

Génesis 24:54

Ke'wa'ak ke'uk'ak, a'an ut eb' li rochb'een, ut aran ke'xnumsi li q'oqyink. Eq'la chik ke'wakliik ut laj k'anjel kixye: “Kanab'omaqin chi q'ajk rik'in laj eechal we”, chan.

Génesis 22:19

Kisutq'iik laj Abrahán wankeb' wi' laj k'anjel chiru, ut wotz ke'xchap xb'e re xik Berseba. Ut aran kikanaak laj Abrahán.

Génesis 22:3

Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

Génesis 21:33

Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

Génesis 19:27

Eweraq chik kiwakliik toj eq'la laj Abrahán ut koho sa' li na'ajej b'arwi' kiwank chiru li Qaawa'.

Génesis 21:13

Ut li xyum laamoos ixq, laa'in tink'e naq jun xnimal ru tenamit taa'elq rik'in, xb'aan naq a'an ajwi' aawalal”, chan li Yos.

Génesis 21:15

Naq kilajk li ha' sa' li kuk, lix Agar kixkanab' laj Ismael sa' xmu jun li ch'ina che'

Proverbios 27:8

Jo' li xik'anel xul li naxik chi najt rik'in li xsuk, jo'kan ajwi' li winq li xkanab' li rochoch.

Génesis 28:18

Toj hik'ho kiwakliik laj Jakob, kixchap li pek li xk'e cho'q xsok xjolom, kixxaqab' jo' loq'laj eetalil ut kixhoy aseeyt sa' xb'een.

Josué 3:1

Laj Josué kiwakliik eq'la ut, rochb'een chixjunileb' laj Israel, ke'elk Sitín ut ke'wulak wan wi' li nima' Jordán. Ab'anan ink'a' ke'nume'k junpak'al; toj ke'kanaak chi hilank aran.

1 Samuel 15:12

Eq'la sa' li kutan jun chik kiwakliik re xik chi xk'ulb'al laj Saúl, ab'anan ke'xye re: “X'elk chik laj Saúl, xkoho Karmeel b'arwi' xxaqab' jun li eetalil pek re naq taapatz'e'q xk'ab'a'. Ut chirix a'an xkoho Kilkal”.

2 Crónicas 29:20

Toja' naq laj Esekías li awab'ej kiwakliik toj hik'ho, kixch'utub'eb' li xjolomileb' li tenamit ut kitaqe'k sa' rochoch li Yos.