Génesis 20:7 - Q'eqchi Bible

⁷ Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Li Santil hu

⁷ Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Génesis 20:7 ပူးပေါင်းရင်းမြစ်များ

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

1 Samuel 7:5

Chirix chik a'an kixye laj Samuel: “Ch'utub'omaq chixjunileb' laj Israel aran Mispá, ut laa'in tintijoq chiru li Qaawa' cherix laa'ex”, chan.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

2 Samuel 24:17

Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

1 Crónicas 16:22

«Meech'e' li sik'b'ileb' ru inb'aan, mik'a' eeb'aanu reheb' linpropeet», chan.

2 Reyes 5:11

K'ajo' naq kijosq'o'k laj Nahamán, ut naq ki'elk aran, kixye: “Laa'in xink'oxla: Naq taa'elq chaq chink'ulb'al, taaxaqliiq, tixyaab'a xk'ab'a' li Qaawa' li xYos, tixb'iqb'iqi raj li ruq' chiru linrahilal ut xk'iraak raj linsaqlepil!

1 Juan 5:16

Wi ani taaril li ras riitz'in chi xb'aanunkil junaq maak li maawa' re kamk, chitijoq chiru li Yos ut taak'ehe'q xyu'am laj maak: yookin chi aatinak chirix li naxb'aanu junaq maak maawa' re kamk, xb'aan naq wank jun li maak re kamk, ut maak'a' rajb'al li tijok chirix a'an.

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

1 Corintios 14:4

Ani na'aatinak sa' jalanil aatin naxk'uub' xch'ool xjunes rib'; ut li na'aatinak jo' propeet naxk'uub' ru chixjunil li komonil.

Ezequiel 33:8

Naq tinteneb' kamk sa' xb'een li ink'a' us xna'leb', wi laa'at ink'a' taaye re naq tixkanab' xb'aanunkil li maa'usilal, li winq a'an taakamq sa' li xmaak, ab'an sa' aab'een laa'at taakanaaq li xkamik.

Ezequiel 3:18

Naq tinteneb' kamk sa' xb'een li ink'a' us xna'leb', wi laa'at ink'a' taaq'us re naq tixkanab' li maa'usilal ut tixkol li xyu'am, a'an taakamq xb'aan li xmaa'usilal; ab'anan sa' aab'een laa'at taakanaaq li xkamik.

Jeremías 27:18

Wi raj yaal naq propeeteb' ut wank li raatin li Qaawa' rik'ineb', tijoqeb' anaqwan chiru li Nimajwal Yos, re naq li k'a'aq re ru re li rochoch li Qaawa' li toj xkanaak ut li toj wank sa' rochoch li awab'ej re Judá ut Jerusalén ink'a' taak'ame'q aran Babilonia».

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 14:11

Li Qaawa' kixye we: “Mattijok chiwu chirix li tenamit a'in.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

1 Samuel 7:8

ut ke'xye re laj Samuel: “Maakanab' tijok chiru li Qaawa' li qaYos, re naq tooxkol sa' ruq'eb' laj Filistea”.

Levítico 6:7

Toja' naq laj tij taamayejaq chiru li Qaawa' re xtojb'al rix li xmaak li poyanam a'an, ut li maak taakuye'q, a' yaal k'aru chi maakil xb'aanu”.

Levítico 6:4

li poyanam a'an wanq xmaak. Jo'kan naq tento tixq'ajsi li k'aru relq'ahom malaj li xmaq'ahom sa' josq'il, malaj ut li k'aru k'eeb'il chixk'uula, malaj ut li k'a'aq re ru kixtaw,

Éxodo 18:17

Toja' naq laj hi'om re laj Moisés kixye re: “Ink'a' us li yookat chi xb'aanunkil.

Éxodo 7:1

Toja' naq li Qaawa' kixye re laj Moisés: “K'e reetal, xatinxaqab' cho'q wuuchil chiru laj Parahón. Ut laj Aharón laawas taa'aatinaq sa' aak'ab'a'.

Éxodo 4:16

A'an taa'aatinaq rik'in li tenamit sa' aak'ab'a': a'anaq laawe ut laa'ataq ruuchil li Yos cho'q re.

Génesis 20:18

xb'aan naq chalen li xk'ulmank rik'in lix Sara, li rixaqil laj Abrahán, li Qaawa' ink'a' chik kixk'eheb' chi alank eb' li wankeb' sa' rochoch laj Abimélek.

Génesis 12:17

Ab'an li Qaawa' Yos kixk'e sa' nimla rahilal laj Parahón rochb'eeneb' li wankeb' sa' rochoch xb'aan lix Saray, rixaqil laj Abrán.

Génesis 12:15

Ki'ile'k ajwi' ru xb'aaneb' laj tenq' re laj Parahón, ut eb' a'an q'axal chaab'il ke'xye chirix. Jo'kan naq kik'ame'k li ixq sa' rochoch laj Parahón.

Génesis 2:17

a'ut li ru li che' re xnawb'al li us ut li ink'a' us, ink'a' naru teetzeka, xb'aan naq li kutan teetzeka wi' ch'olch'o naq texkamq”.

Hechos 8:24

Kichaq'ok laj Simón, ut kixye: —Chextijoq chiwix chiru li Qaawa' re naq maajun reheb' a k'a'aq re ru a'in chichalq sa' inb'een, jo' xeye.

Génesis 20:3

Ab'anan li Yos kiraatina laj Abimélek chiru q'oqyink ut kixye re sa' xmatk': “Tatkamq, xb'aan naq li ixq xak'am chaq wank xb'eelom”, chan.

Génesis 20:8

Toj eq'la kiwakliik laj Abimélek, kixb'oq chixjunileb' laj k'anjel chiru ut kixseeraq'i chixjunil a'in reheb'. K'ajo' naq ki'ok xxiweb' li winq.

Génesis 23:6

“Wa', choohaawab'ihaq. Laa'at xnimal ru winq chalenaqat sa' qayanq sa' xk'ab'a' li Qaawa'. Chamuq laakamenaq sa' li muqleb'aal q'axal chaab'il li wank sa' qayanq. Maajun qe laa'o ink'a' ta tixk'e aawe li xmuqleb'aal re taamuq laakamenaq”, chankeb'.

2 Crónicas 30:18

Relik chi yaal naq naab'aleb' li tenamit aj Efraín, aj Manasés, aj Isakar ut aj Sabulón ink'a' ch'ajob'resinb'ileb' re te'xwa' li Paswa, jo' tz'iib'anb'il sa' li chaq'rab'. Ab'anan ke'wa'ak, ut laj Esekías kitijok chirixeb' ut kixye: “At Qaawa', q'axal nim laarahom, chakuy taxaq xmaakeb' jo'k'ihaleb' neke'sik'ok aawe chi anchaleb' xch'ool,