Génesis 2:9 - Q'eqchi Bible

⁹ Li Qaawa' Yos kixk'e chi moqk sa' li ch'och' chixjunil li jar paay chi che'ul q'axal ch'ina'us rilb'aleb' ut us chi tzekaak. Sa' xyi xna'aj li awimq kixk'e ajwi' li che' re li yu'am ut li che' re xnawb'al li us ut li ink'a' us.

Li Santil hu

⁹ Ut li Ka̱cuaꞌ Dios quixqꞌue chi mokc saꞌ li naꞌajej aꞌan nabal pa̱y ru li cheꞌ li chꞌinaꞌus rilbal joꞌ ajcuiꞌ li cheꞌ li ta̱u̱chi̱nk re teꞌxtzaca. Ut saꞌ xyi lix naꞌaj li acui̱mk li Ka̱cuaꞌ Dios quixqꞌue jun to̱n li cheꞌ li naqꞌuehoc yuꞌam chi junelic. Ut quixqꞌue ajcuiꞌ aran jun to̱n li cheꞌ re xnaubal ru li us ut li incꞌaꞌ us.

Génesis 2:9 ပူးပေါင်းရင်းမြစ်များ

Génesis 3:22

Chirix a'an kixye chi jo'ka'in: “Waye' li winq! Qech yosil chik: naxnaw chik li us ut li ink'a' us! Anaqwan mare anchal tixye' li ruq', tixch'oq ru li che' re li yu'am, tixlow ut taawanq xyu'am chi junelik”.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Apocalipsis 22:2

Ut sa' xyi li nimb'e ut chi xka'pak'alil li nima' wank li che' nak'ehok yu'am: kab'laju sut na'uuchink, junq sut rajlal po, ut eb' li xxaq li che' a'in nak'anjelak cho'q xb'aneb' li tenamit.

Ezequiel 47:12

Junq re li nima' te'k'iiq k'iila paay li che' na'uuchink ut maajoq'e taat'ane'q li xxaq chi moko eb' li ru. Rajlal po te'uuchinq xb'aan naq li ha' na'elk chaq sa' rochoch li Yos taat'aqresinq reheb'. Taatzekaaq li ru ut li xxaq taa'oksiiq cho'q b'an.

Proverbios 11:30

Li tiikilal nak'ehok yu'am; wi wank aana'leb', jalaneb' chik te'taaqenq aawe.

Proverbios 3:18

A'an li che' nak'ehok yu'am reheb' li neke'tawok re: us xaq reheb' li neke'eechanink re.

Génesis 3:3

Ka'ajwi' li ru li che' li wank sa' xyi, kixye li Yos: «Meelow chi moko teech'e', xb'aan naq wi teeb'aanu a'an, texkamq»”.

Génesis 2:17

a'ut li ru li che' re xnawb'al li us ut li ink'a' us, ink'a' naru teetzeka, xb'aan naq li kutan teetzeka wi' ch'olch'o naq texkamq”.

Ezequiel 31:16

Naq tint'an chiru ch'och' li yaw a'an ut tintaqla sa' xyanqeb' li xe'q'ajk xe'sutq'iik, k'ajo' naq te'xiwaq eb' li tenamit. Aran, sa' xchamal li ch'och', te'saho'q xch'ool eb' li che' li wankeb' sa' li xsahil na'aj li Yos, jo' ajwi' eb' li jwal kaweb' rib', t'aqresinb'leb' chi us ut ch'ina'us rilb'al sa' xteepal Líbano.

San Juan 6:48

Laa'in li yu'am wa.

Ezequiel 31:18

Maajun reheb' li che' ke'wank sa' li xsahil na'aj li Yos kiruhank xjuntaq'eetankil wi' rik'in li xloq'al ut li xteram li yaw a'an. Ab'anan taakute'q ajwi' a'an sa' li xb'alb'a, rochb'eeneb' li che' ke'wank sa' li xsahil na'aj li Yos, ut taawanq sa' xyanqeb' li maawa'eb' aj paab'anel, rik'ineb' li ke'kamsiik sa' li raaxiik'. «Li che' a'in, a'an laj Parahón jo'wi' chixjunileb' li xpoyanamil», chan li Qaawa'”.

Isaías 47:10

Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

1 Corintios 8:1

Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil.

Deuteronomio 6:25

Ut tqataw xtiikilal qach'ool wi tqapaab' ut tqak'anjela ru chixjunileb' li chaq'rab' a'in, jo' kixye qe li Qaawa' li qaYos».

Génesis 3:24

Ut naq ak xrisi li winq, kixk'eheb' li kerubín sa' releb'l saq'e, junpak'al li na'ajej Edén. Kixk'e ajwi' jun ch'iich' nareplotk xxamlel, re naq maajun taa'ok wan wi' li che' re li yu'am.

Génesis 3:5

Naxnaw chi us li Yos naq sa' li kutan teelow wi' li ru li che' a'an taatehonq xsa' leeru. Jo'kaqex chik li Yos; teenaw chik k'aru li us ut li ink'a' us”.