Génesis 2:5 - Q'eqchi Bible

⁵ toj maak'a' chaq li pim chiru li ch'och', toj maji' namoqk chaq li awimq, xb'aan naq li Qaawa' Yos toj maji' naxk'e chaq li hab' sa' xb'een li ruuchich'och' chi moko wankeb' ta winq li te'k'anjelanq re li ch'och'.

Li Santil hu

⁵ toj ma̱cꞌaꞌ li acui̱mk ut ma̱cꞌaꞌ li pim xban nak li Ka̱cuaꞌ Dios toj ma̱jiꞌ quixqꞌue li hab saꞌ xbe̱n li ruchichꞌochꞌ. Chi moco cuan ta cui̱nk ta̱trabaji̱nk re li chꞌochꞌ.

Génesis 2:5 ပူးပေါင်းရင်းမြစ်များ

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.

Hebreos 6:7

Li ch'och' li naxk'ul li hab' chi kok'aq xsa' ut chaab'il li awimq naxk'e cho'q reheb' laj k'alom, yo chi tz'aqonk rik'in li rosob'tesihom li Yos.

Li xHu LAJ JOB 5:10

A'an naxtaqla chaq li hab' sa' xb'een li ch'och' ut naxt'aqresi chixjunileb' li awimq.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Génesis 4:2

Chirix a'an kiwank ajwi' laj Abel, li riitz'in laj Kaín. Laj Abel a'an aj k'iiresihom karneer ut laj Kaín a'an aj k'alom.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Salmos 104:14

Nakak'e chi moqk li pach'aya' cho'q xwaheb' li ketomq, ut neke'yo'laak li che' li neke'k'anjelak re li winq, re naq tixtaw sa' li ch'och' li xwa ruk'a':

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.

Génesis 2:6

Ka'ajwi' nab'ulb'utk jun yo'leb'aal ha' li nat'aqresink re chixjunil li ch'och'.

Jeremías 10:12

Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in xseeb'al li xk'a'uxl, ut rik'in li xnimal xnawom kixhel ru li choxa.

Jeremías 10:13

Rik'in xyaab' li xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.