Génesis 2:2 - Q'eqchi Bible

² Sa' xwuq li kutan li Yos kixraq chixjunil li xk'anjel li xb'aanu, ut kihilank.

Li Santil hu

² Nak ac xba̱nu chixjunil li cꞌanjel aꞌin, li Dios quihilan saꞌ xcuuk li cutan.

Génesis 2:2 ပူးပေါင်းရင်းမြစ်များ

Hebreos 4:4

xb'aan naq wank jun raqal sa' li Santil Hu naxye chirix li xwuq li kutan: “Li Yos kihilank sa' li xwuq li kutan chirix chixjunil li k'anjel kixb'aanu”.

Éxodo 31:17

A'anaq jun reetalil cho'q we ut cho'q reheb' laj Israel, xaqxooq xwankil chi junajwa”. Xb'aan naq chiru waqib' kutan li Qaawa' kixb'aanu li choxach'och', ut sa' li xwuq li kutan kihilank ut kik'ulunk xch'ool.

Deuteronomio 5:14

ab'an li xwuq kutan a'an hilob'aal kutan sa' xk'ab'a' li Qaawa' laaYos. Maajun li k'anjel truuq taab'aanu: laa'at, laawalal, laarab'in, li winq ut li ixq neke'k'anjelak chawu, laab'ooyx, laab'uur malaj junaq reheb' laaketomq. Ink'a' ajwi' taak'anjelaq laj ab'l tenamit li wank sa' eeyanq. Chi jo'kan li winq ut li ixq aj k'anjel chawu truuq te'hilanq kama' laa'at.

Éxodo 23:12

“Chiru waqib' kutan tatk'anjelaq, ab'an sa' li xwuq tathilanq, re naq te'hilanq laab'ooyx ut laab'uur, ut te'k'ulunq xch'ool li xyum laamoos ut li jalan xtenamit.

San Juan 5:17

Ab'an li Jesus kixsumeheb' ut kixye: —LinYuwa' toj yo chi k'anjelak anaqwan; jo'kan ajwi' laa'in nink'anjelak.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Hebreos 4:10

Xb'aan naq ani ak x'ok sa' li xhilob'aal li Yos, a'an nahilank chirix li xk'anjel, kama' ajwi' naq kihilank li Yos chirix li xk'anjel.

Génesis 2:3

Toja' naq li Yos kirosob'tesi li xwuq li kutan ut kixsantob'resi, xb'aan naq aran kihilank chirix chixjunil li yoob'tesink kixb'aanu.

Éxodo 31:15

Chiru waqib' kutan naru texk'anjelaq, ab'an li xwuq kutan a'an tz'aqal hilob'aal kutan, q'axtesinb'ilaq re li Qaawa'. Chixjunileb' li te'k'anjelaq sa' sábado, te'kamq».