Génesis 2:17 - Q'eqchi Bible

¹⁷ a'ut li ru li che' re xnawb'al li us ut li ink'a' us, ink'a' naru teetzeka, xb'aan naq li kutan teetzeka wi' ch'olch'o naq texkamq”.

Li Santil hu

¹⁷ Caꞌaj cuiꞌ ru li cheꞌ li re xnaubal ru li us ut li incꞌaꞌ us incꞌaꞌ naru nacalou, xban nak saꞌ li cutan nak ta̱lou aꞌan relic chi ya̱l tatca̱mk, chan li Dios.

Génesis 2:17 ပူးပေါင်းရင်းမြစ်များ

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

Santiago 1:15

Chirix chik a'an li xrahinkil ru li maa'usilal nasiyank ut narala li maak, ut li maak, naq ak xtz'aqlok ru, naxk'am chaq li kamk.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Colosenses 2:13

Junxil kamenaqex naq kexwank chaq xb'aan leemaak jo' ajwi' xb'aan naq maji' eerisihom chaq leetz'ajb'eetalil na'leb'. Ab'an li Yos kixk'e eeyu'am eerochb'een li Kriist, ut kixkuy kixsach chixjunil li qamaak.

1 Timoteo 5:6

Ab'an li xmalka'an li jo'maajo' naq wank, a'an kamenaq us ta yo'yo.

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

1 Corintios 15:22

Jo' naq chixjunileb' neke'kamk sa' xk'ab'a' laj Adán, jo'kan ajwi' naq chixjunileb' te'wanq wi' chik xyu'am sa' xk'ab'a' li Kriist.

1 Juan 5:16

Wi ani taaril li ras riitz'in chi xb'aanunkil junaq maak li maawa' re kamk, chitijoq chiru li Yos ut taak'ehe'q xyu'am laj maak: yookin chi aatinak chirix li naxb'aanu junaq maak maawa' re kamk, xb'aan naq wank jun li maak re kamk, ut maak'a' rajb'al li tijok chirix a'an.

1 Corintios 15:56

Li xtiq'leb' li kamk a'an li maak; ut li xwankil li maak a'an li Chaq'rab'.

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

Ezequiel 18:32

Laa'in maajun nawaj taakamq. Yot'omaq leech'ool jalomaq leek'a'ul, ut taawanq eeyu'am”, chan li Qaawa'.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Génesis 3:11

Kixye li Yos: “Ani xk'ehok chanaw naq t'ust'uukat? Malaj xalow ru li che' li xinye aawe naq ink'a' taatzeka?”.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

Ezequiel 33:8

Naq tinteneb' kamk sa' xb'een li ink'a' us xna'leb', wi laa'at ink'a' taaye re naq tixkanab' xb'aanunkil li maa'usilal, li winq a'an taakamq sa' li xmaak, ab'an sa' aab'een laa'at taakanaaq li xkamik.

Ezequiel 18:4

K'ehomaq reetal: chixjunileb' li poyanam weheb' laa'in, li yuwa'b'ej jo' ajwi' li alalb'ej. Li taamaakob'q, a'an li taakamq.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Ezequiel 33:14

Ut wi ninteneb' kamk sa' xb'een junaq aj maak, ut a'in tixkanab' li maakob'k ut taa'ok chi xb'aanunkil li chaab'ilal ut li tiikilal,

Deuteronomio 30:19

Sa' li kutan a'in ninye aawe chiru li choxa ut li ruuchich'och': xinyeechi'i aawe yu'am ut kamk, osob'tesiik ut majewaak. Sik' ru li yu'am re naq yo'yooqat laa'at jo'wi' eb' laawalal aak'ajol.

Deuteronomio 30:15

“K'e reetal, anaqwan tink'e chawu li yu'am ut li usilal, li kamk ut li maa'usilal.

Ezequiel 18:13

nab'ihomo'k rik'in ral li tumin naxk'e chi to', relik chi yaal naq li winq a'an taakamq xb'aan naq xb'aanu eb' a tz'i'b'eetalil a'in. Taakamq chi maak'a' chik xja'lenkil ut li xmaak taakanaaq sa' xb'een.

1 Reyes 2:42

li awab'ej kixtaqla xb'oqb'al laj Semehí ut kixye re: “Ma ink'a' tab'i' xatink'e chi xyeeb'al aajurament sa' xk'ab'a' li Qaawa' ut xinch'olob' chawu: «Sa' li kutan tat-elq wi' arin re xik b'ar taawaj xik, ch'olch'ooq chawu naq tatkamq»? Ut laa'at xk'ulub'an aach'ool li xinye aawe.

1 Samuel 14:39

Sa' xk'ab'a' li yo'yookil Yos li xkolok re laj Israel, ninye eere naq li ani wank xmaak taakamq, us ta a'an laj Jonatán li walal”, chan. Maajun sa' xyanqeb' li tenamit kichaq'ok.

Deuteronomio 27:26

«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru». Ut chixjunil li tenamit te'xye: «Jo'kan».

Números 26:65

xb'aan naq xyehom li Qaawa' naq te'kamq sa' li chaqich'och'. Maajun kikanaak chi yo'yo; ka'ajwi' laj Kaleb, ralal laj Jefuné, ut laj Josué, ralal laj Nun, ke'kole'k.

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 2:9

Li Qaawa' Yos kixk'e chi moqk sa' li ch'och' chixjunil li jar paay chi che'ul q'axal ch'ina'us rilb'aleb' ut us chi tzekaak. Sa' xyi xna'aj li awimq kixk'e ajwi' li che' re li yu'am ut li che' re xnawb'al li us ut li ink'a' us.

Apocalipsis 20:6

Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

Jeremías 26:8

Ab'anan naq kiraqe'k laj Jeremías chi xyeeb'al chixjunil li xchaq'rab'iik wi' xb'aan li Qaawa', kichape'k xb'aaneb' laj tij, eb' li propeet ut xb'aaneb' chixjunil li tenamit, ut kiyehe'k re: “Relik chi yaal naq tatkamq.

1 Samuel 22:16

Ab'an li awab'ej kixye wi' chik: “At Ajimélek, ch'olch'o naq tatkamq laa'at jo'wi' chixjunileb' laawech'alal”.

1 Samuel 20:31

Ab'an anaqwan ab'i chi us: jo' najtil toj yo'yooq li ralal laj Jesé sa' ruuchich'och', ink'a' naru tat-ok cho'q awab'ej laa'at chi moko eb' laawalal aak'ajol. Jo'kan b'i' taqla xsik'b'al laj David ut k'am chaq we, xb'aan naq tento taakamq”.

1 Samuel 14:44

“A' taxaq li Yos tinxk'e chi xtojb'al linmaak chi q'axal ra, wi ink'a' tatkamq, a Jonatán!”, chan laj Saúl.

1 Reyes 2:37

Ch'olch'o chawu naq sa' li kutan tatq'axonq wi' junpak'al li nima' Sedrón, tatkamq ut aamaakaq aawib'”.

Jueces 3:2

Ke'kanab'aak xb'aan li Qaawa' re naq jo'k'ihaleb' laj Israel maji' rilomeb' li yalok, te'xtzol rib' chi yalok.