Génesis 19:29 - Q'eqchi Bible

²⁹ Jo'ka'in naq li Yos kixsacheb' li tenamit sa' li taq'a. Ab'an kijultiko'k re laj Abrahán ut kixkol laj Lot chiru li nimla rahilal, naq kixsacheb' li tenamit kiwank wi' laj Lot.

Li Santil hu

²⁹ Li Ka̱cuaꞌ Dios quixsach ruheb chi junaj cua chixjunil li tenamit li cuanqueb saꞌ li ru takꞌa. Abanan quijulticoꞌ re li cꞌaꞌru quixtzꞌa̱ma laj Abraham. Joꞌcan nak quixcol laj Lot.

Génesis 19:29 ပူးပေါင်းရင်းမြစ်များ

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Génesis 8:1

Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

2 Pedro 2:7

Ab'an kixkol laj Lot, li tiik ru xyu'am rahob'tesinb'il xch'ool xb'aan xmaa'usilaleb' laj maak,

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Salmos 145:20

Li Qaawa' naxk'aak'aleheb' li neke'rahok re, ab'an naxsach ruheb' li ink'a' useb' xna'leb'.

Salmos 136:23

Naq wanko chaq sa' rahilal, koojultiko'k re, li xnimal xrahom wank chi junelik;

Salmos 106:4

Chinjultiko'q taxaq aawe, at Qaawa', sa' xk'ab'a' xraab'al laatenamit; chinaawula'ani taxaq ut chinaakol,

Salmos 105:42

Li Yos junelik wank sa' xch'ool li xloq'laj aatin li kixye re laj Abrahán, laj k'anjel chiru.

Nehemías 13:22

Chirix chik a'an kinye reheb' laj Leví naq te'xch'ajob'resi rib' ut xikaqeb' chi xk'aak'alenkileb' li okeb'aal re naq ink'a' taamuxmanq li kutan sábado. Rik'in ajwi' a'in chinjultiko'q aawe, at inYos, ut chatoq'ob'a taxaq wu jo' chanru xnimal aawuxtaan!

Nehemías 13:14

Chinjultiko'q aawe rik'in li k'anjel xinb'aanu, at inYos! Misachk sa' aach'ool li us xinb'aanu cho'q re laawochoch ut re laak'anjel.

Génesis 30:22

Toja' naq li Yos kixtoq'ob'a ru lix Rakel, kirab'i li xtij ut kixk'e chi alank.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Salmos 105:8

Junelik wank sa' xch'ool li xloq'laj Sumwank ut li xyeechi'om kixb'aanu reheb' li k'iila teep chi riyajil li tenamit,

Génesis 11:27

A'aneb' a'in li ralal xk'ajol laj Téraj: laj Téraj a'an xyuwa' laj Abrán, laj Najor ut laj Harán. Laj Harán a'an xyuwa' laj Lot.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Deuteronomio 9:27

Jultikaqeb' aawe eb' laj k'anjel chawu: laj Abrahán, laj Isahak ut laj Jakob, ut maak'e sa' aach'ool li xkawilal xjolomeb' li tenamit a'in, chi moko li xmaa'usilaleb' ut li xmaakeb'.

Ezequiel 14:16

ut wanqeb' aran li oxib'eb' chi winq a'in, ninye li waatin naq moko te'ruhanq ta xkolb'aleb' li ralal xk'ajol; ka'ajeb' wi' a'an te'kole'q, ut li na'ajej joxk' taakanaaq -chan li Qaawa'-.

Li xHu LAJ JOB 35:8

Wi nakab'aanu li maak, a'eb' laawech winqilal yookat xrahob'tesinkil. Ut wi chaab'ilat, a'eb' ajwi' laawas aawiitz'in yookat rusilankil.