Génesis 19:2 - Q'eqchi Bible

² ut kixye: “Ex qaawa', b'aanuhomaq usilal, okanqex sa' rochoch laj k'anjel a'in. Tuleenumsi li q'oqyink arin, teech'aj leeroq ut wulaj eq'la teechap wi' chik leeb'e”, chan reheb'. “Ink'a', tqanumsi li q'oqyink sa' li k'ayiil”, chankeb' li ula'.

Li Santil hu

² Ut quixye reheb: —Ex Ka̱cuaꞌ, ba̱nuhomak li usilal. Yoꞌkeb saꞌ li cuochoch ut aran te̱numsi li kꞌojyi̱n. Aran naru te̱chꞌaj le̱ rok. Ut toj cuulaj ekꞌela texxic, chan. Eb aꞌan queꞌxye re: —Bantiox a̱cue. Ma̱chꞌiꞌchꞌiꞌi a̱cuib. Naru nococuar saꞌ be, chanqueb.

Génesis 19:2 ပူးပေါင်းရင်းမြစ်များ

Génesis 18:4

Tintaqla xk'amb'al chaq b'ayaq li ha' re xch'ajb'al leeroq. Hilanqex wan sa' xmu li che'

Hebreos 13:2

Misachk sa' eech'ool li k'ehok ochochnaal; sa' xk'ab'a' a'an wankeb' xe'xk'ul eb' li ánjel sa' rochocheb' chi ink'a' xe'xnaw.

Hechos 16:15

Toja' naq a'an kixk'ul li kub'iha' rochb'een chixjunil li xjunkab'al. Chirix chik a'an kixtz'aama chiqu: —Wi nekek'oxla naq tiik inch'ool chirix li Qaawa', kimqex ut hilanqex sa' li wochoch, chan. Toj reetal kirelaji qu chi xik.

San Lucas 7:44

Toja' naq li Jesus kixsutq'isi rib' sa' xka'yab'aal li ixq ut kixye re laj Simón: —Ma nakawil li ixq a'in? Xolin'okaq sa' laawochoch ut ink'a' xak'e xch'ajb'al li woq. Ab'an a'an xt'aqresi li woq rik'in li xya'al ru ut xchaqihob'resi rik'in li rismal xjolom.

San Juan 13:5

Chirix chik a'in kixk'e ha' sa' jun li emel ut ki'ok chi xch'ajb'al li roqeb' li xtzolom ut kixchaqihob'resiheb' chiru li t'ikr b'ak'b'o chi xsa'.

Génesis 19:1

Li wiib' chi ánjel ke'wulak ewu Sodoom. K'ojk'o laj Lot sa' rokeb'aal li tenamit. Naq kirileb', kixaqliik ut koho chi xk'ulb'aleb'. Kixhupub' rib'

Génesis 19:3

A'ut laj Lot kirelaji ruheb' toj reetal ke'hilank sa' rochoch. Ut kixk'uub' xtzekemqeb', kixyiib' xwaheb', ut ke'wa'ak.

Génesis 24:31

Ut kixye re: “Kim, at rosob'tesihom li Qaawa'. K'a'ut naq xaqxookat chirix li tenamit? Laa'in ak xinyamtesi xsa' li kab'l ut xinyiib' xna'ajeb' laakameey”, chan.

Génesis 43:24

Chirix chik a'an kiroksiheb' sa' rochoch laj José, kixk'e xha'eb' re te'xch'aj li roqeb', ut kixk'e ajwi' xwaheb' li xb'uur.

Cantares 5:3

“Ak xwisi li waq' chiwix. Ma tink'e wi' chik? Ak xinch'ajeb' li woq. Ma tintz'ajniheb' wi' chik?”.

2 Samuel 11:8

Chirix chik a'an kixye re: “Ayu sa' laawochoch ut hilan kach'inaq”. Laj Urías ki'elk aran ut laj David kixtaqla xmaatan, xkomon li tzekemq naxtzeka a'an.

Li xHu LAJ JOB 31:32

maajun aj ab'l tenamit xkanaak chi wark sa' b'e, junelik b'an xtaw rochochnaal wik'in.

Proverbios 25:17

Maawula'ani laawamiiw chi kok'aq xsa', re naq ink'a' taatitz' chawilb'al ut tatxtz'eqtaana sa' jun kutan.