Génesis 19:12 - Q'eqchi Bible

¹² Toja' naq ke'xye eb' li wiib' chi winq re laj Lot: “Anihatqeb' chik wank aawe arin? Isiheb' laahi' sa' li na'ajej a'in, eb' laawalal, eb' laarab'in ut yalaq ani wank aawe sa' li tenamit,

Li Santil hu

¹² Ut eb li cuib chi cui̱nk queꞌxye re laj Lot: —¿Ma toj cuanqueb a̱cuechꞌalal saꞌ li tenamit aꞌin? Cui cuanqueb, isiheb saꞌ li tenamit aꞌin. Cꞌameb la̱ rabin ut la̱ cualal ut la̱ hiꞌ ut ayu. Ta̱cꞌameb chi najt chixjunileb la̱ cuechꞌalal li cuanqueb saꞌ li tenamit.

Génesis 19:12 ပူးပေါင်းရင်းမြစ်များ

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

2 Pedro 2:7

Ab'an kixkol laj Lot, li tiik ru xyu'am rahob'tesinb'il xch'ool xb'aan xmaa'usilaleb' laj maak,

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Números 16:26

Toja' naq ki'aatinak rik'ineb' li komonil ut kixye reheb': “B'aanuuq usilal, elenqex chi xk'atq li xmuheb'aaleb' a reemaaru aj winqeb' a'in. Maak'a' li k'aru reheb' teech'e'. Mare anchal texkamq xb'aan chixjunileb' li xmaakeb'”, chan.

Génesis 19:17

Naq yo risinkileb', jun reheb' li ánjel kixye: “Elelin, kol aawib'! Mat-ilok chawix chi moko tatxaqliiq sa' li taq'a; ayu b'an sa' li tzuul re naq ink'a' tat-oso'q”, chankeb' li ánjel.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

Génesis 19:22

Seeb'a aawib', ayu aran, xb'aan naq maak'a' truuq tinb'aanu wi toj maji' tat-ok aran”. Jo'kan naq Sohar kixk'ab'a'in li tenamit a'an.

Génesis 19:14

Ki'elk ut laj Lot ut koxye chaq reheb' li te'k'amoq reheb' li xrab'in: “Waklinqex, elenqex sa' li na'ajej a'in xb'aan naq li Qaawa' ok re chi xsachb'al li tenamit”. A'ut eb' li hi'b'ej ke'xk'oxla naq yal b'atz'unk re.

Génesis 19:11

Chixjunileb' li wankeb' chirix kab'l ke'mutz'o'k xb'aaneb', jo' saajeb' ut cheekeb', ut ink'a' chik ke'xtaw li okeb'aal.

Génesis 19:13

xb'aan naq ok qe chi xsachb'al li na'ajej a'in. Jwal kaw li xyaab' kuxej neke'jite'k wi' chiru li Qaawa', ut A'an xooxtaqla chaq chi xsachb'aleb'”, chankeb'.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!