Génesis 18:8 - Q'eqchi Bible

⁸ Chirix chik a'an kixsi xrekesón, xya'al xtu' wakax ut li k'uub'anb'il tib', ut koxk'e reheb': xaqxo chiruheb' rub'el li che' naq yookeb' chi wa'ak.

Li Santil hu

⁸ Quixcꞌam li cꞌu̱banbil tib chokꞌ reheb li rulaꞌ. Quixcꞌam ajcuiꞌ li queso ut li leche. Ut laj Abraham quixqꞌue xchꞌo̱l chixjecꞌbaleb xtzacae̱mkeb li rulaꞌ nak yo̱queb chi cuaꞌac rubel xmu li cheꞌ.

Génesis 18:8 ပူးပေါင်းရင်းမြစ်များ

Génesis 19:3

A'ut laj Lot kirelaji ruheb' toj reetal ke'hilank sa' rochoch. Ut kixk'uub' xtzekemqeb', kixyiib' xwaheb', ut ke'wa'ak.

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Hechos 10:41

moko chiru ta chixjunil li tenamit, ka'aj b'an wi' chiruheb' li testiiw sik'b'ileb' ru junxilaj xb'aan li Yos, chiqu laa'o li xoowa'ak ut xoo'uk'ak rochb'een naq ak xwakliik chi yo'yo sa' xyanqeb' li kamenaq.

San Juan 12:2

Aran ewu ke'xk'e chi tzekank; lix Marta yo chi k'anjelak ut laj Lázaro a'an jun reheb' li yookeb' chi hilank sa' meex.

San Lucas 24:43

Kixchap ut kixtzeka chiruheb'.

San Lucas 24:30

Naq yo chi hilank sa' meex rochb'eeneb', kixchap li wa, kiyoxink sa' xb'een, kixjachi ut kixtikib' xk'eeb'al reheb'.

San Lucas 17:8

Ma ink'a' tab'i' tixye re: «Chak'uub' b'ayaq intzekemq, chajal aawaq' ut k'anjelan chiwu naq yooqin chi wa'ak ut chi uk'ak; toj moqon chik tatwa'aq ut tat-uk'aq laa'at»?

San Lucas 12:37

Us xaq reheb' laj k'anjel tole'tawe'q chi yo'lek xb'aan laj eechal reheb' sa' xk'ulunik. Relik chi yaal ninye eere naq tixb'ak' li xsa', tixhiltasiheb' sa' meex ut taanume'q sa' xyanqeb' chi xk'eeb'aleb' chi tzekank.

Nehemías 12:44

Sa'eb' li kutan a'an ke'xaqab'aak winq re te'ril li na'ajej li taaxokmanq wi' chixjunil li mayej, li yeechi'om, li xb'een ru li awimq ut li xlajeetqil chixjunil. Tento sa' xb'eeneb' li winq a'an xxokb'al ut xk'uulankil jo'ch'inal jo'nimal taachalq sa'atqeb' li xk'aleb'aalil eb' li tenamit jo' mayej cho'q reheb' laj tij ut eb' laj Leví, jo' tz'iib'anb'il sa' li Chaq'rab'. Xb'aan naq saheb' sa' xch'ool laj Judá rik'ineb' laj tij ut eb' laj Leví li wankeb' sa' xk'anjel.

Jueces 13:15

Toja' naq laj Manóhaj kixye re li x'ánjel li Qaawa': “Chakuy inmaak, matxik. Ink'uub'aq wan junaq aach'ina chib'aat”, chan.

Jueces 5:25

Ha' kixpatz' laj Sísara, ut leech kik'ehe'k re: sa' xsek'eb' li xninqal ru winq chaab'il leech kik'ehe'k re.

Deuteronomio 32:14

Kixch'oolaniheb' rik'in li xrekesonil li wakax ut xleechul karneer; kixk'e reheb' li xtib'eleb' li saaj karneer ut li ketomq re Basán, eb' li kok' chib'aat ut li chaab'il triiw. Kixk'e li xya'al li uub' cho'q ruk'a'eb'.

Génesis 18:7

Chirix a'an laj Abrahán koho sa' aanil wankeb' wi' li xwakax, kixchap jun ch'ina wakax q'axal chaab'il, kixk'e re li xmoos ut a'in kixseeb'a xk'uub'ankil.

Génesis 18:9

Eb' a'an ke'xye re: “B'ar wank lix Sara laawixaqil?”. “Wank aran sa' kab'l”, chan reheb'.

Isaías 7:15

Xsasal xya'al xtu' li wakax ut xya'al kab' tixtzeka li ch'ina'al toj tixnaw xsik'b'al li k'aru us ut li ink'a' us.

Isaías 7:22

ut k'ajo'aq xk'ihal li xya'al xtu' li wakax tixxok. Jo'kan naq tixch'oolani rib' rik'in li xsasal xya'al xtu' li wakax. Jo'k'ihaleb' li te'kole'q sa' li tenamit te'xch'oolani rib' rik'in xsasal xya'al xtu' wakax ut xya'al kab'.