Génesis 18:6 - Q'eqchi Bible

⁶ Koho laj Abrahán chi junpaat sa' xmuheb'aal, wan wi' lix Sara, ut kixye re: “Seeb'a oxib'aq aroow chi k'aj, yoq' ut yiib' kach'inaq li k'uluj”.

Li Santil hu

⁶ Laj Abraham qui-oc saꞌ lix muheba̱l ut quixye re lix Sara: —Se̱ba a̱cuib. Chap oxib bis li cꞌaj li cha̱bil ut ta̱yi̱b li caxlan cua, chan.

Génesis 18:6 ပူးပေါင်းရင်းမြစ်များ

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

1 Pedro 4:9

Chexk'ehoq ochochnaal cherib'il eerib' chi maak'a'aq wech'ink.

Hebreos 13:2

Misachk sa' eech'ool li k'ehok ochochnaal; sa' xk'ab'a' a'an wankeb' xe'xk'ul eb' li ánjel sa' rochocheb' chi ink'a' xe'xnaw.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Romanos 12:13

Chexwotzoq rik'ineb' laj santil paab'anel li wankeb' sa' rajb'al ru, chexk'ehoq ochochnaal.

Hechos 16:15

Toja' naq a'an kixk'ul li kub'iha' rochb'een chixjunil li xjunkab'al. Chirix chik a'an kixtz'aama chiqu: —Wi nekek'oxla naq tiik inch'ool chirix li Qaawa', kimqex ut hilanqex sa' li wochoch, chan. Toj reetal kirelaji qu chi xik.

Isaías 32:8

A'ut li chaab'il xch'ool junes li chaab'ilal naxk'oxla, ut kaw xch'ool chi xb'aanunkil li us.

Génesis 18:5

ut laa'in tink'am chaq kach'inaq eewa re taak'ulunq eech'ool. Toja' naq texxik: a'in aj e naq xexnume'k rik'in laj k'anjel cheru”. Ke'chaq'ok eb' a'an: “Us, maak'a' naxye”, chankeb'.

Génesis 18:7

Chirix a'an laj Abrahán koho sa' aanil wankeb' wi' li xwakax, kixchap jun ch'ina wakax q'axal chaab'il, kixk'e re li xmoos ut a'in kixseeb'a xk'uub'ankil.

Génesis 19:3

A'ut laj Lot kirelaji ruheb' toj reetal ke'hilank sa' rochoch. Ut kixk'uub' xtzekemqeb', kixyiib' xwaheb', ut ke'wa'ak.

Jueces 6:19

Laj Jedehón koho, koxkawresi chaq jun ch'ina chib'aat ut rik'in jun b'isok chi k'aj kixk'uub' wa ink'a' yuub'il. Kixk'e li tib' sa' jun ch'ina chakach, ut li xya'al kixk'e sa' jun li uk'al, ut kixk'am chixjunil rub'el li ji. Naq yo chi nach'ok,

1 Samuel 28:24

Li ixq wank jun saaj wakax, ch'oolaninb'il chi us: kixkamsi ut kixk'uub'. Kixchap ajwi' xk'aj, kixyoq' ut kixyiib' wa ink'a' yuub'il.

2 Samuel 13:6

Jo'kan naq laj Amnón kiyoklaak ut yaj naq kixb'aanu rib'. Li awab'ej ki'ok chi rilb'al ut laj Amnón kixye re: “Nintz'aama chawu naq taataqla chaq lix Tamar li wanab', re naq tixk'uub' chiwu wiib'aq inkaxlan wa ut tixk'e we”, chan.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.