Génesis 18:4 - Q'eqchi Bible

⁴ Tintaqla xk'amb'al chaq b'ayaq li ha' re xch'ajb'al leeroq. Hilanqex wan sa' xmu li che'

Li Santil hu

⁴ Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

Génesis 18:4 ပူးပေါင်းရင်းမြစ်များ

Génesis 43:24

Chirix chik a'an kiroksiheb' sa' rochoch laj José, kixk'e xha'eb' re te'xch'aj li roqeb', ut kixk'e ajwi' xwaheb' li xb'uur.

Génesis 24:32

Ki'ok li winq sa' li kab'l, ut laj Labán kirisi li riiq eb' li kameey, kixk'eheb' xk'im ut xwa. Kixk'e ajwi' xha' li winq jo'wi' eb' li rochb'een re te'xch'aj li roqeb'.

Génesis 19:2

ut kixye: “Ex qaawa', b'aanuhomaq usilal, okanqex sa' rochoch laj k'anjel a'in. Tuleenumsi li q'oqyink arin, teech'aj leeroq ut wulaj eq'la teechap wi' chik leeb'e”, chan reheb'. “Ink'a', tqanumsi li q'oqyink sa' li k'ayiil”, chankeb' li ula'.

San Lucas 7:44

Toja' naq li Jesus kixsutq'isi rib' sa' xka'yab'aal li ixq ut kixye re laj Simón: —Ma nakawil li ixq a'in? Xolin'okaq sa' laawochoch ut ink'a' xak'e xch'ajb'al li woq. Ab'an a'an xt'aqresi li woq rik'in li xya'al ru ut xchaqihob'resi rik'in li rismal xjolom.

1 Samuel 25:41

Naq kirab'i a'an, lix Abigahil kixk'utzub' rib' chiru ch'och' ut kixye: “We'kin laa'in xmoos laj David. Yo'oon wankin chi xch'ajb'al roqeb' eb' laj k'anjel chiru, wi jo'kan naraj naq tinb'aanu”.

1 Timoteo 5:10

ut nawnooq ru rik'in li chaab'il k'anjel ak xb'aanuhom: naraj naxye, xtijeb' chi chaab'il eb' li ralal xk'ajol, xk'ehok ochochnaal, xch'ajom roqeb' laj santil paab'anel, xtenq'aheb' li wankeb' sa' rahilal ut xb'aanuhom yalaq k'a' chi chaab'il k'anjelil.

Génesis 18:3

ut kixye: “At inQaawa', wi usilal xintaw chawu, ma tik at nume'k chi xk'atq laj k'anjel chawu.

Jueces 19:21

Ut kixk'am sa' rochoch ut kixk'e xwaheb' li b'uur. Li winq ut eb' li wankeb' rochb'een ke'xch'aj roqeb', ke'wa'ak ut ke'uk'ak.