Génesis 18:14 - Q'eqchi Bible

¹⁴ Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Li Santil hu

¹⁴ La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Génesis 18:14 ပူးပေါင်းရင်းမြစ်များ

San Lucas 1:37

xb'aan naq maak'a' ch'a'aj chiru li Yos.

San Mateo 19:26

Li Jesus kixka'yaheb' ut kixye reheb': —Chiruheb' li winq ink'a' naru, ab'an chiru li Yos naru chixjunil.

San Marcos 10:27

Li Jesus kixka'yaheb' ut kixye: —Chiruheb' li winq ink'a' naru, ab'an chiru li Yos naru, xb'aan naq chixjunil naru chiru li Yos.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Li xHu LAJ JOB 42:2

“Xink'e reetal naq nakatruuk xb'aanunkil chixjunil: wank aawankil chi xb'aanunkil jo'nimal li nakawaj.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Romanos 4:21

q'axal k'ojk'o xch'ool chirix naq li Yos wank xwankil chi xb'aanunkil li k'aru kixyeechi'i chaq.

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

2 Reyes 4:16

Toja' naq laj Eliseo kixye re: “Sa' jun chihab', chiruheb' li kutan a'in, laa'at yooqat chi xq'unb'al jun aak'uula'al teelom”. Kichaq'ok li ixq: “Ink'a', wa'chin; minaab'alaq'i laa'in aj k'anjel chawu”.

Deuteronomio 7:21

Jo'kan b'i', maaxiwa ruheb' xb'aan naq wank aawik'in li Qaawa' laaYos, li Yos nim xwankil ut xiwajel.

San Mateo 14:31

Li Jesus tikto kixye' li ruq', kixchap ut kixye re: —Kach'in laapaab'aal, at winq. K'a'ut naq xwiib'ank laach'ool?

Zacarías 8:6

“Jo'ka'in naxye li Nimajwal Yos: Chiruheb' li kutan a'an jo'k'ihaleb' li te'kole'q, te'xk'oxla naq chixjunil a'in ch'a'ajkaq xb'aanunkil; ab'anan moko ch'a'ajkaq ta cho'q we laa'in, chan li Nimajwal Yos.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Salmos 95:3

Xb'aan naq li Qaawa' a'an li Yos nim xwankil, a'an xnimal ru Awab'ej sa' xb'eeneb' chixjunileb' li yos.

Deuteronomio 30:3

toja' naq li Qaawa' laaYos tatrosob'tesi wi' chik, taaril xtoq'ob'aal aawu, tatrisi chaq sa' chixjunileb' li tenamit xatxcha'cha'i wi' ut tatxch'utub' wi' chik.

Génesis 18:10

Kixye li rula': “Tolin'elq wi' chik aawik'in sa' jun chihab' chik, ut aran lix Sara laawixaqil taawanq jun xk'uula'al”. B'alb'o lix Sara chire li kab'l, yo chi rab'inkil.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

Li xHu LAJ JOB 36:5

Li Qaawa' a'an nim xwankil ut wank xna'leb'; ink'a' naxtz'eqtaanaheb' li maak'a'eb' xmaak.

Génesis 17:21

Ab'anan tink'ojob' linSumwank ka'ajwi' rik'in laj Isahak, li taayo'laaq rik'in lix Sara sa' li chihab' chalk re, sa'eb' li kutan a'in”.

Hebreos 11:19

Kixk'oxla naq li Yos wank ajwi' xwankil chi xwaklesinkileb' chi yo'yo eb' li kamenaq. Jo'kan naq kixk'ul wi' chik laj Isahak sa' ruq' li Yos jo' jun eetalil.

San Lucas 8:50

Ab'an li Jesus kirab'i a'in ut kixye re: —Matxiwak, ka'ajwi' naq wanq aapaab'aal ut taakole'q.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Filipenses 3:21

A'an taajaltesinq ru li qach'och'el qasululel chi nimaq xloq'al, re naq tkanaaq chi junajwa jo' li xjunxaqalil, sa' xk'ab'a' li xnimal xwankil li naruhank wi' xk'eeb'al chixjunil rub'el roq.

San Lucas 1:18

Kixye laj Sakarías re li ánjel: —K'aru tinnaw wi' a'in? Xb'aan naq ak xintixk ut xikenaq xhab' li wixaqil.

San Mateo 3:9

ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

Salmos 93:1

Li Qaawa' na'awab'ejink, tiqto rik'in xnimal xloq'al; sutsu li Qaawa' xb'aan xnimal xwankil. A'an kik'ojob'ank re li ruuchich'och' sa' xna'aj, re naq ink'a' taa'eek'anq chi junajwa.

Salmos 90:13

Kim, at Qaawa'! Jo' najtil chik yooq laajosq'il? Chawil taxaq xtoq'ob'aaleb' ru laj k'anjel chawu.

Génesis 18:13

Kixye li Qaawa' re laj Abrahán: “K'a'ut naq xse'ek lix Sara ut xye: «Ma yaal naq taawanq ink'uula'al anaqwan sa' lintiixilal?».

Génesis 18:15

Kixiwak lix Sara ut kixye: “Ink'a' ninse'ek”. Ab'an li Qaawa' kixye re: “Maaye a'an. Yaal naq xatse'ek”.

Génesis 21:1

Li Qaawa' kirula'ani lix Sara jo' yeeb'il chaq re, ut li Qaawa' kixb'aanu re lix Sara li b'arwan kixyeechi'i.

Génesis 21:2

Lix Sara kikanaak sa' yu'am ut kirala jun xk'uula'al laj Abrahán sa' xtiixilal, sa' xq'ehil yeeb'il chaq re xb'aan li Yos.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Génesis 17:16

Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Jueces 13:3

Sa' jun kutan li x'ánjel li Qaawa' kixk'ut rib' chiru li ixq a'in ut kixye re: “Laa'at xma'al ixq ut maak'a' aakok'al;