Génesis 17:8 - Q'eqchi Bible

⁸ Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Li Santil hu

⁸ Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Génesis 17:8 ပူးပေါင်းရင်းမြစ်များ

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Deuteronomio 29:13

re naq A'an texxaqab' anaqwan cho'q xtenamit: laa'exaq li xtenamit ut A'anaq leeYos, kama' xyehom aawe ut kama' ajwi' xyehom reheb' leexe'toonil yuwa' laj Abrahán, laj Isahak ut laj Jakob.

Deuteronomio 26:18

Jo'kan ajwi', sa' li kutan a'in, li Qaawa' xye naq laa'at tz'aqal li xtenamit, jo' chanru kixyeechi'i aawe junxil, ut laa'at tento taak'uula sa' aach'ool chixjunil li xchaq'rab'.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Salmos 105:9

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

Deuteronomio 4:37

A'an kixraheb' laana' laayuwa'; jo'kan naq kixsik'eb' ru li ralal xk'ajoleb' ut katrisi chaq Ejiipt rik'in xnimal xwankil,

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Deuteronomio 32:8

Naq li Nimajwal Yos kixjek'i xch'och'eb' li junjunq chi tenamit, naq kixjek'i xna'ajeb' li ralal xk'ajol laj Adán, kixxaqab' xnub'ajlil chixjunileb' li tenamit, a' yaal chanru xk'ihaleb' li ralal xk'ajol li Yos.

Números 25:13

tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

Éxodo 40:15

taayuleb' rik'in aseeyt jo' naq xayul li xyuwa'eb', re naq te'k'anjelaq chiwu cho'q aj tij. Jo'ka'in taa'uxmanq re naq, sa' xk'ab'a' li xyulb'aleb', te'xaqab'aaq cho'q aj tij chi junwaakaj, chi junelik q'e kutan”.

Génesis 48:4

ut kixye we: «K'e reetal: laa'in tink'eheb' chi k'ihank ut chi pukank eb' laawalal aak'ajol. Aawik'in twisi jun xnimal xteepaleb' chi tenamit, ut li ch'och' a'in tink'e chi junajwa reheb' li te'yo'laaq aawik'in».

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

Salmos 103:17

A'ut li xrahom li Qaawa' wank chi junelik, xaqxo sa' xb'eeneb' chixjunileb' li neke'paab'ank re. Li xtiikilal xch'ool nahoye'k sa' xb'eeneb' li ralal xk'ajoleb',

Levítico 16:34

“A'an a'in jun li chaq'rab' xaqxooq xwankil chi junelik cho'q eere: jun sut sa' li chihab' taawanq li mayejak re xtojb'al rix chixjunileb' li xmaakeb' laj Israel”. Ut ki'uxmank jo' chanru kixye li Qaawa' re laj Moisés.

Éxodo 21:6

laj eechal re tixk'am laj mun chiru li Yos, tixjilosi chiru li roqechal malaj chiru li xb'een li okeb'aal, ut taahope'q li xxik rik'in jutz'il ch'iich' xb'aan laj eechal re ut taakanaaq cho'q aj mun chi junajwa.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 36:7

xb'aan naq q'axal naab'al li k'aru wank reheb' ut ink'a' chik naru te'wanq sa' jun chi na'ajej chi xkab'ichaleb'. Jo'kan ajwi' li na'ajej wankeb' wi' ink'a' natz'aqlok cho'q reheb' li xketomq.

Génesis 37:1

Laj Jakob kikanaak sa' li tenamit li kiwank wi' li xyuwa', sa' xteepal Kanahán.

Éxodo 13:11

“Akaq xatroksi li Qaawa' sa' xch'och'eb' laj Kanahán ut akaq xq'axtesi aawe li na'ajej, jo' naq kixyeechi'i aawe ut reheb' laana' laayuwa',

Éxodo 29:45

Tinhilanq sa' xyanqeb' laj Israel ut laa'inaq li xYoseb'.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Jeremías 25:5

«Kanab'omaq xb'aanunkil li maa'usilal ut li ink'a' us -chankeb'-. Chi jo'kan sa texwanq sa' li na'ajej xk'ehom eere chi junajwa li Qaawa' ut cho'q reheb' leexe'toonil yuwa'.

Jeremías 31:1

“Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

Génesis 35:27

Laj Jakob kiwulak wan wi' laj Isahak li xyuwa', aran Mambré, Kiryat-Arbá ajwi' xk'ab'a' (Hebrón nayeemank re anaqwan), b'arwi' ke'wank laj Abrahán ut laj Isahak.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Números 27:12

Li Qaawa' kixye ajwi' re laj Moisés: “Taqen sa' xb'een li tzuul Abarín ut k'e reetal li ch'och' xink'e reheb' laj Israel.

Deuteronomio 32:49

“Taqen sa' xb'een li tzuul Abarín, a' li tzuul Nebo li wank sa' xna'ajeb' laj Mohab, sa' xjayal Jerikó, ut ka'ya li na'ajej Kanahán li tinq'axtesi reheb' laj Israel.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Josué 1:2

“Kamenaq chik laj Moisés, aj k'anjel chiwu. Ayu ut numen junpak'al li nima' Jordán aawochb'een chixjunileb' li tenamit a'in. Texxik sa' li na'ajej li tinq'axtesi eere laa'ex aj Israel.

1 Crónicas 16:18

naq kixye: «Tink'e aawe li tenamit Kanahán, ut tinsi aawe cho'q aaweechanihom», chan.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.