Génesis 17:6 - Q'eqchi Bible

⁶ Q'axal naab'aleb' laawalal aak'ajol li tink'e aawe; aawik'in twisi naab'aleb' chi tenamit ut wanqeb' awab'ej li te'elje'q aawik'in.

Li Santil hu

⁶ Relic chi ya̱l nak tebinqꞌue chi qꞌuia̱nc la̱ cualal a̱cꞌajol. Nabalak le̱ tenamit ut teꞌcua̱nk ajcuiꞌ le̱ rey saꞌ le̱ tenamit chixju̱nkaleb.

Génesis 17:6 ပူးပေါင်းရင်းမြစ်များ

Génesis 17:4

“A'an a'in linSumwank aawik'in: laa'ataq xyuwa'il li k'iila teep chi tenamit.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 17:16

Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Génesis 26:22

Naq laj Isahak ki'elk aran, kixb'ek jun chik xjulel li ha', ab'an ink'a' chik ke'xpleeti rib' chirix a'an: jo'kan naq Rehobot kixk'e cho'q xk'ab'a'. Ut kixye: “Anaqwan li Qaawa' xk'e qanimla na'aj; sa chik toowanq sa' li ch'och' a'in”, chan.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 41:52

Li xkab' ralal, aj Efraín kik'ehe'k cho'q xk'ab'a', xb'aan naq laj José kixye sa' xch'ool: “Li Yos xinxk'e chi k'ihank sa' li tenamit xink'ul wi' li rahilal”.

Génesis 47:27

Eb' laj Israel ke'kanaak sa' li na'ajej Gosen, sa' xteepal Ejiipt; ke'na'ajunk aran, ke'wank ralal xk'ajol ut k'ajo' naq ke'k'ihank.

Levítico 26:9

Laa'in tinb'aanu usilal eere ut texink'e chi k'ihank; junelik xaqxooq xwankil linSumwank eerik'in.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 48:3

ut kixye re laj José: “Li Nimajwal Yos kixk'ut rib' chiwu aran Lus, sa' xteepal Kanahán, kinrosob'tesi

Génesis 48:4

ut kixye we: «K'e reetal: laa'in tink'eheb' chi k'ihank ut chi pukank eb' laawalal aak'ajol. Aawik'in twisi jun xnimal xteepaleb' chi tenamit, ut li ch'och' a'in tink'e chi junajwa reheb' li te'yo'laaq aawik'in».