Génesis 17:5 - Q'eqchi Bible

⁵ Ink'a' chik taak'ab'a'in aj Abrán; aj Abrahán b'an chik taakanaaq cho'q aak'ab'a', xb'aan naq xatinxaqab' cho'q xyuwa'il li k'iila teep chi tenamit.

Li Santil hu

⁵ —Anakcuan ma̱cuaꞌ chic aj Abram la̱ cꞌabaꞌ. Aj Abraham chic a̱cꞌabaꞌ xban nak xatinqꞌue chokꞌ xxeꞌto̱nil yucuaꞌeb li qꞌuila tenamit.

Génesis 17:5 ပူးပေါင်းရင်းမြစ်များ

Nehemías 9:7

“At Qaawa', laa'at li Yos li kasik' ru laj Abrán: kawisi aran Ur sa' xteepal Kaldeha, ut Abrahán chik kak'e cho'q xk'ab'a'.

Génesis 17:15

Kixye ajwi' li Yos re laj Abrahán: “Lix Saray laawixaqil ink'a' chik xSaray tixk'ab'a'in, xSara b'an chik taakanaaq cho'q xk'ab'a'.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Romanos 4:17

jo' naxye li Santil Hu: “Xatinxaqab' cho'q xyuwa' li k'iila tenamit”. A'an qayuwa' chiru li Yos, xb'aan naq kixpaab' li Yos li nak'ehok xyu'ameb' li kamenaq ut naxyoob'tesiheb' li k'a'aq re ru toj maak'a'.

Jeremías 20:3

Sa' li kutan jun chik laj Pasjur kirisi laj Jeremías sa' li nat'che' ut laj Jeremías kixye re: “Li Qaawa' xjal laak'ab'a', Magor-Misabib chik taak'ab'a'in.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

2 Samuel 12:25

ut kixtaqla laj Natán li propeet chi xyeeb'al: “Sa' ink'ab'a' laa'in, aj Yedidías tixk'ab'a'in li k'uula'al a'in, li naraj naxye: «Raaro xb'aan li Qaawa'»”.

Números 13:16

A'aneb' a'in li xk'ab'a'eb' li winq ke'taqlaak xb'aan laj Moisés re rilb'al li tenamit. Ab'an laj Oseas, ralal laj Nun, Josué kik'ehe'k cho'q xk'ab'a' xb'aan laj Moisés.

Génesis 35:10

“Laak'ab'a' laa'at a'an aj Jakob, ab'anan ink'a' chik taak'ab'a'in Jakob, aj Israel b'an chik taak'ab'a'in”, chan li Yos. Ut aj Israel kixk'e cho'q xk'ab'a'.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

1 Crónicas 1:27

ut laj Abrán, a'an laj Abrahán.