Génesis 17:16 - Q'eqchi Bible

¹⁶ Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Li Santil hu

¹⁶ La̱in tincuosobtesi lix Sara. Ut ta̱cua̱nk la̱ cualal riqꞌuin. Relic chi ya̱l tincuosobtesi aꞌan. Lix Sara ta̱cua̱nk nabaleb li ralal xcꞌajol. Aꞌan ta̱oc chokꞌ xnaꞌeb nabal chi tenamit li toj teꞌyoꞌla̱k mokon. Li ralal xcꞌajol lix Sara teꞌoc chokꞌ xreyeb li tenamit, chan li Dios.

Génesis 17:16 ပူးပေါင်းရင်းမြစ်များ

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Génesis 17:6

Q'axal naab'aleb' laawalal aak'ajol li tink'e aawe; aawik'in twisi naab'aleb' chi tenamit ut wanqeb' awab'ej li te'elje'q aawik'in.

1 Pedro 3:6

jo' lix Sara li kipaab'ank chiru laj Abrahán ut “qaawa'” kixye re. Ut anaqwan laa'ex chik rixqa'al lix Sara, wi nekeb'aanu li us chi maak'a' k'aru teexiwa.

Romanos 9:9

A'an a'in li kixyeechi'i chaq li Yos: “Sa'eb' li kutan a'in tolin'elq wi' chik aawik'in, ut lix Sara taawanq jun xk'uula'al”, chan.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Gálatas 4:23

Ab'an li xk'uula'al li loq'b'il ixq kiyo'laak yal chi jo'kan, ut li xk'uula'al li tz'aqal rixaqil kiyo'laak sa' xk'ab'a' li xyeechi'om li Yos.

Génesis 17:15

Kixye ajwi' li Yos re laj Abrahán: “Lix Saray laawixaqil ink'a' chik xSaray tixk'ab'a'in, xSara b'an chik taakanaaq cho'q xk'ab'a'.

Génesis 17:19

Kichaq'ok li Yos ut kixye: “Relik chi yaal naq lix Sara laawixaqil taawanq xk'uula'al, ut aj Isahak taak'e cho'q xk'ab'a'. Laa'in tink'ojob' linSumwank rik'in chi junelik: laa'inaq li xYos ut xYoseb' ajwi' li ralal xk'ajol.

Génesis 21:1

Li Qaawa' kirula'ani lix Sara jo' yeeb'il chaq re, ut li Qaawa' kixb'aanu re lix Sara li b'arwan kixyeechi'i.

Génesis 25:23

Ut li Qaawa' kixye re: “Wiib' tenamit wankeb' chaq aawik'in, wiib' amaq' li te'xjek'i rib' naq te'yo'laaq. Li jun taanumtaaq xwankil sa' xb'een li jun chik, ut li asb'ej taak'anjelaq chiru li iitz'inb'ej”.

Génesis 36:31

A'aneb' a'in li awab'ej ke'taqlank aran Edom naq toj maji' ke'wank li awab'ej rik'ineb' laj Israel:

Génesis 15:4

Ab'an li Qaawa' kixye re chi jo'ka'in: “Moko a'an ta taa'eechaninq re, a' b'an li tz'aqal aawalal”.