Génesis 17:14 - Q'eqchi Bible

¹⁴ Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Li Santil hu

¹⁴ Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Génesis 17:14 ပူးပေါင်းရင်းမြစ်များ

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

1 Corintios 11:29

Xb'aan naq ani nawa'ak na'uk'ak chi ink'a' naxk'e xloq'al li xtz'ejwal li Qaawa', nawa'ak ut na'uk'ak cho'q re li xtojb'amaak.

1 Corintios 11:27

Jo'kan naq ani tixtzeka li xwa li Qaawa' malaj taaruk' xsa' li xsek' chi ink'a' xk'ulub', wanq xmaak chiru li xtz'ejwal xkik'el li Qaawa'.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Isaías 33:8

Neke'kirirnak aj chik li b'e ut maajun chik nanume'k aran. Xe'xsach xwankil li sumwank ut xe'xq'et li aatin xe'xye; maajun chik na'oxloq'ink li ras riitz'in.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Salmos 55:20

Li Yos taarab'i li waatin ut tixsacheb' xwankil; a'an na'awab'ejink chalen chaq ut junelik. Xb'aan naq ink'a' te'xkanab' li maa'usilal, tik ink'a' neke'xxiwa ru li Yos.

Levítico 19:8

li ani taatzekanq re, taariiqani li xmaak ut taa'isiiq sa' xyanqeb' li rech tenamitul sa' xk'ab'a' xmuxb'al li q'axtesinb'il chiru li Qaawa'.

Levítico 18:29

Ani taab'aanunq re yalaq k'aru chi yib' aj na'leb' xkomon a'in, taa'isimanq sa' xyanqeb' li rech tenamitul.

Levítico 7:27

Li poyanam li taatzekanq yalaq k'aru chi kik'ul, taa'isimanq sa' xyanqeb' li rech tenamitul”.

Levítico 7:25

“Yalaq ani taatzekanq re li xxeeb'ul li xul taayeechi'imanq chiru li Qaawa' cho'q k'atb'il mayej, taa'isiiq sa' li xtenamit.

Éxodo 30:38

Chixjunileb' li te'yiib'anq re junaq chik kama'aq ta a'an re rutz'b'al li xb'ook, isinb'ilaqeb' chi junajwa sa' lintenamit”.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Génesis 17:15

Kixye ajwi' li Yos re laj Abrahán: “Lix Saray laawixaqil ink'a' chik xSaray tixk'ab'a'in, xSara b'an chik taakanaaq cho'q xk'ab'a'.

Génesis 34:14

“Ink'a' naru tqab'aanu a'an: xk'eeb'al li qanab' re junaq li ink'a' setb'il xtz'uumal xtz'ejwal, xb'aan naq a'an xutaanal cho'q qe.

Levítico 23:29

Yalaq ani ink'a' taa'ayuuniq sa' li kutan a'an, taa'isiiq sa' xyanqeb' li rech tenamitul.

Números 9:13

Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.