Génesis 17:13 - Q'eqchi Bible

¹³ Tento te'xk'ul li sirkunsisyon li yo'lajenaqeb' sa' laawochoch ut eb' li loq'b'ileb' rik'in laatumin: chi jo'kan linSumwank taakanaaq sa' leetz'ejwal chi junelik.

Li Santil hu

¹³ Tento nak chixjunileb la̱ cualal a̱cꞌajol teꞌxcꞌul li circuncisión. Joꞌcan ajcuiꞌ eb la̱ mo̱s cui̱nk. Chi joꞌcaꞌin ta̱cana̱k jun retalil riqꞌuin le̱ tzꞌejcual. Aꞌan retalil li contrato li xkaba̱nu chi kibil kib.

Génesis 17:13 ပူးပေါင်းရင်းမြစ်များ

Éxodo 12:44

Ab'anan chixjunileb' li loq'b'ileb' aj mun li xk'ulumeb' li sirkunsisyon taaruuq te'xtzeka.

Nehemías 5:8

ut kinye reheb': “Laa'o, jo' chanru xk'e rib' chiqu, xqisiheb' li qech tenamitul rub'el xwankileb' laj ab'l tenamit. Ut anaqwan laa'ex xek'ayeb' chik leeras eeriitz'in re naq laa'o tooloq'oq reheb'!”. Naq ke'rab'i a'in, ch'anch'o ke'kanaak chi ink'a' chik ke'xtaw k'aru ke'xye.

Génesis 37:36

Naq eb' laj Madián ke'wulak Ejiipt, ke'xk'ayi laj José re laj Putifar, a'an aj tenq' re laj Parahón ut aj jolominel reheb' li neke'k'aak'alenk re laj Parahón.

San Mateo 18:25

Ab'an a'in maak'a' k'aru tixtoj wi'; jo'kan naq kixye li awab'ej naq chik'aymanq li winq a'an rochb'een li rixaqil, li ralal xk'ajol ut chixjunil li k'aru wank re, re xtojb'al li xk'as.

Nehemías 5:5

Laa'o qakomon qib' rik'ineb' li qech tenamitul, ut juntaq'eet xloq'aleb' li qalal qak'ajol rik'ineb' li ralal xk'ajoleb' a'an. Ab'anan tento tqaq'axtesi eb' li qalal qak'ajol cho'q xmooseb' a'an. Ut wankeb' qarab'in ak xqak'ayeb' cho'q xmooseb' a'an, ut laa'o maak'a' naru tqab'aanu xb'aan naq li qach'och' ut li qawimq jalan aj e”.

Éxodo 21:16

“Li trelq'a ras riitz'in re xk'ayinkil malaj re tkanaaq sa' ruq', tento taakamq.

Éxodo 21:4

Wi laj eechal re xk'ehok rixaqil ut xe'wank ralal xk'ajol, li ixq ut eb' li xkok'al rehaqeb' laj eechal re ut li winq taa'elq xjunes.

Éxodo 21:2

Naq taaloq' junaq aj mun, wi a'an aj hebreo, waqib' chihab' taak'anjelaq, ut sa' li xwuq taakanaaq chi ach'ab'anb'il, chi maak'a' tixtoj re li relik.

Génesis 39:1

Naq laj José kik'ame'k Ejiipt, jun li winq, aj Putifar xk'ab'a', aj Ejiipt ajwi', aj tenq' ut aj jolominel reheb' laj k'aak'alehom re laj Parahón, kixloq' laj José rik'ineb' laj Ismael li ke'k'amok re aran.

Génesis 37:27

Kimqex, qak'ayihaq reheb' laj Ismael, ab'anan miqataqsi li quq' sa' xb'een, xb'aan naq a'an qiitz'in ut qatib'el qakik'el qib'”, chan. Eb' li riitz'in ke'xk'ulub'an xch'ool.

Génesis 15:3

Kixye ajwi' laj Abrán: “Maajun li walal xak'e we ut yal jun inmoos taa'eechaninq re linjunkab'lal”.

Génesis 14:14

Naq kirab'i laj Abrán naq kichape'k li rikaq', kixch'utub'eb' waqxaqlaju xwaqlajuk'aal (318) aj k'anjel chiru, yo'lajenaqeb' sa' rochoch, ut kixtaaqeheb' li ke'chapok re laj Lot toj sa' li tenamit Dan.

Génesis 9:16

Naq taak'utunq li kaqlaaq' sa'eb' li choql, laa'in tink'e reetal li Sumwank li xink'ojob' chi junajwa rik'in chixjunileb' li wank xyu'am sa' ruuchich'och'.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Levítico 22:11

“Wi laj tij tixloq' junaq aj mun rik'in xtumin, laj mun a'an naru tixtzeka li loq'laj mayej. Jo'kan ajwi' eb' li yo'lajenaq sa' rochoch laj tij, naru te'xtzeka li k'aru naxtzeka laj tij.