Génesis 17:1 - Q'eqchi Bible

¹ B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Li Santil hu

¹ Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 17:1 ပူးပေါင်းရင်းမြစ်များ

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Salmos 116:9

Tinb'eeq chiru li Qaawa' sa' xna'ajeb' li yo'yookeb'.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

Isaías 38:3

“At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Deuteronomio 18:13

Tz'aqalaq aawe aawu rik'in li Qaawa' laaYos,

San Mateo 19:26

Li Jesus kixka'yaheb' ut kixye reheb': —Chiruheb' li winq ink'a' naru, ab'an chiru li Yos naru chixjunil.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Hebreos 12:28

Jo'kan utan, laa'o li yooko chi xmaataninkil li xnimajwal awab'ejihom li Yos li ink'a' naru reek'asinkil, chooyoxinq chiru ut qaloq'oniiq ru rik'in paab'ank ut qaxiw, jo' nawulak chiru,

Hechos 24:16

Jo'kan naq laa'in ajwi' ninyal inq'e chi wank junelik chi tiik linch'ool chiru li Yos ut chiruheb' li was wiitz'in.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 12:1

Li Qaawa' kixye re laj Abrán: “Elen sa' laana'aj, sa' xyanqeb' laakomon, sa' rochoch laayuwa', ut ayu sa' li na'ajej tink'ut chawu.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

Hechos 23:1

Laj Pablo kixka'ya eb' li xninqal ru aj raqol aatin ut kixye: —Ex was wiitz'in, laa'in xinwank chi q'axal tiik inch'ool chiru li Yos chalen toj anaqwan.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Li xHu LAJ JOB 11:7

Ma nakak'oxla naq taataw ru li xchamal xk'a'uxl li Yos ut li xtiikilal xch'ool li Nimajwal?

1 Reyes 2:4

Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Génesis 18:1

Li Qaawa' kixkut rib' chiru laj Abrahán wan wi' li ji re Mambré, naq k'ojk'o chire li xmuheb'aal xb'aan xtiqwal ru li kutan.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

1 Reyes 8:25

Jo'kan utan, at Qaawa', xYos laj Israel, chab'aanu ajwi' li kayeechi'i re laj David linyuwa', laj k'anjel chawu, naq kaye re: «Junelik wanq junaq aawalal aak'ajol taak'anjelaq chiwu ut taa'awab'ejinq sa' xb'eeneb' laj Israel, wi eb' laawalal te'b'eeq sa' tiikilal ut te'wanq chiwu jo' xatwank laa'at».

Génesis 16:16

Waqib' ro'k'aal (86) chihab' wank re laj Abrán naq kiyo'laak laj Ismael rik'in lix Agar.

Génesis 5:22

Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Génesis 24:40

Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Génesis 26:2

Ab'an li Qaawa' kixk'ut rib' chiru ut kixye re: “Matkub'ek Ejiipt, ayu b'an Kerar, sa' xtenamit laj Abimélek, awab'ej re Filistea.

Génesis 43:14

A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Génesis 48:3

ut kixye re laj José: “Li Nimajwal Yos kixk'ut rib' chiwu aran Lus, sa' xteepal Kanahán, kinrosob'tesi

Números 24:16

Raatin li ani narab'i li naxye li Qaawa', ut naxnaw li xnimal xk'a'uxl li Nimajwal. Raatin li ani naril li xk'utb'esihom li Nim Xwankil, nak'uluk choxahil na'leb', ut sa' moy u nateemank xsa'eb' li ru.

Proverbios 10:9

Li tiik ru xyu'am, maak'a' naxxiwa; a'ut li ink'a' nawank sa' tiikilal sa' jun kutan taak'utunq li xlab'al xch'ool.