Génesis 16:8 - Q'eqchi Bible

⁸ “Agar, aj k'anjelat chiru lix Saray, b'ar xatchalk chaq ut b'ar xik aawe?”, chu'uxk re xb'aan li ánjel. Kichaq'ok a'an ut kixye: “Yookin chi elelik chiru lix Saray laj eechal we”.

Li Santil hu

⁸ Ut li ángel quia̱tinac riqꞌuin ut quixpatzꞌ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan.

Génesis 16:8 ပူးပေါင်းရင်းမြစ်များ

Génesis 3:9

Ab'an li Qaawa' Yos kixb'oq li winq ut kixye re: “B'ar wankat?”.

Génesis 4:10

Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Eclesiastés 10:4

Wi taajosq'o'q sa' aab'een li wank xwankil, mich'inank aach'ool. Relik chi yaal wi wank aakuyum, naru taak'uub' ru li xninqal ch'a'ajkilal.

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

Génesis 16:4

Laj Abrán kiwank rik'in lix Agar, ut a'an kikanaak sa' yu'am. Ab'anan, naq kixk'e reetal naq wank sa' yu'am, ki'ok chi xtz'eqtaanankil lix Saray.

Génesis 16:1

Lix Saray, rixaqil laj Abrán, maak'a' xkok'al; ab'anan wank jun li ixq aj k'anjel chiru, Ejiipt xtenamit, x'Agar xk'ab'a'.

Génesis 16:9

Ut li x'ánjel li Qaawa' kixye re: “Sutq'in wi' chik rik'in laj eechal aawe ut paab'an chiru”.

1 Reyes 19:9

Aran ki'ok sa' jun li ochoch pek b'arwi' kixnumsi li q'oqyink. Ab'anan ki'aatinaak xb'aan li Qaawa', li kixye re: “K'aru yookat arin, a Elías?”.

1 Reyes 19:13

Naq kirab'i a'in laj Elías, kixtz'ap li ru rik'in li xb'atb'al, ki'elk sa' li ochoch pek ut kikanaak chi xaqxook sa' li okeb'aal. Toja' naq kirab'i jun xyaab' kuxej li kixye re: “K'aru yookat arin, a Elías?”.

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Jueces 19:17

Li cheekel winq kixtaqsi li rilob'aal ut kixka'ya laj b'ihaaj li wank sa' xyi li tenamit, ut kixye re: “B'ar xatchalk chaq ut b'ar xik aawe?”, chan.

2 Reyes 5:25

ut kox'okaq wan wi' laj eechal re: “B'ar xatchalk chaq, a Kejasí?”, chan laj Eliseo. Kichaq'ok laj Kejasí: “Maab'ar xinwulak, at inqaawa'”.