Génesis 16:2 - Q'eqchi Bible

² Kixye ut lix Saray re laj Abrán: “Laa'at nakanaw naq li Qaawa' xinxkanab' cho'q xma'al ixq. Nintz'aama b'i' chawu naq tatwanq rik'in lix Agar, laj k'anjel chiwu: mare anchal tinmaatani jun k'uula'al rik'in”, chan. Laj Abrán kixpaab' li kiyehe'k re xb'aan lix Saray.

Li Santil hu

² Lix Sarai quixye re laj Abram: —La̱at nacanau nak ma̱ jun incꞌulaꞌal. La̱in tincuaj junak incꞌulaꞌal, aban li Ka̱cuaꞌ Dios incꞌaꞌ naxqꞌue cue. Naru tatcua̱nk riqꞌuin lin mo̱s. Ma̱re ta̱cua̱nk junak a̱cꞌulaꞌal riqꞌuin ut la̱in tinxoc chokꞌ cue, chan lix Sarai. Ut laj Abram quixpa̱b li cꞌaꞌru quiyeheꞌ re xban lix Sarai.

Génesis 16:2 ပူးပေါင်းရင်းမြစ်များ

Éxodo 21:4

Wi laj eechal re xk'ehok rixaqil ut xe'wank ralal xk'ajol, li ixq ut eb' li xkok'al rehaqeb' laj eechal re ut li winq taa'elq xjunes.

Génesis 18:10

Kixye li rula': “Tolin'elq wi' chik aawik'in sa' jun chihab' chik, ut aran lix Sara laawixaqil taawanq jun xk'uula'al”. B'alb'o lix Sara chire li kab'l, yo chi rab'inkil.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Li xHu LIX RUT 4:11

Naq ke'rab'i a'an, eb' li cheekel winq ut chixjunileb' li wankeb' aran ke'xsume: —Laa'o testiiw. A' taxaq li Qaawa' chik'ehoq re laawixaqil chi jo'kaq lix Rakel ut lix Liiy: xkab'ichaleb' a'an ke'tikib'ank re li tenamit Israel. Chinimanq laawankil aran Efratá ut nawb'ilaq aawu chi us sa' li tenamit Belén.

Génesis 30:22

Toja' naq li Yos kixtoq'ob'a ru lix Rakel, kirab'i li xtij ut kixk'e chi alank.

Génesis 25:21

Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am.

Génesis 20:18

xb'aan naq chalen li xk'ulmank rik'in lix Sara, li rixaqil laj Abrahán, li Qaawa' ink'a' chik kixk'eheb' chi alank eb' li wankeb' sa' rochoch laj Abimélek.

Génesis 17:16

Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Génesis 3:12

Kichaq'ok li winq: “Li ixq li xak'e cho'q wochb'een, a'an xk'ehok we ru li che', ut xinlow”, chan.

Génesis 30:6

Toja' naq lix Rakel kixye: “Li Yos tiik xch'ool, xb'aan naq xrab'i xyaab' inkux ut xk'e jun ink'uula'al”. Jo'kan naq aj Dan kixk'e cho'q xk'ab'a' li k'uula'al.

Génesis 19:31

Sa' jun kutan kixye li chaq'na'b'ej re li riitz'in: “Li qayuwa' ak xtixk ut maajun winq wank sa' li na'ajej a'in li taak'amoq qe, jo' na'uxmank yalaq b'ar.

Génesis 11:30

Lix Saray maak'a' ralal xb'aan naq xma'al ixq.