Génesis 16:13 - Q'eqchi Bible

¹³ Toja' naq lix Agar kixk'e “laa'at li Yos li na'ilok we” cho'q xk'ab'a' li Yos ki'aatinank re, xb'aan naq kixye sa' xch'ool: “Arin xwil ru li na'ilok we”.

Li Santil hu

¹³ Lix Agar quixye: —La̱at li Ka̱cuaꞌ Dios li nacat-iloc cue, chan re li Dios. Ut quixye cuiꞌchic, —Arin saꞌ li chaki chꞌochꞌ li Dios xcꞌutbesi rib chicuu ut moco xincam ta nak xcuil ru, chan.

Génesis 16:13 ပူးပေါင်းရင်းမြစ်များ

Génesis 32:30

Laj Jakob kixk'e cho'q xk'ab'a' li na'ajej a'an Penuel, xb'aan naq kixye: “Xwil ru li Yos ut xkole'k linyu'am”.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

Proverbios 15:3

Li Qaawa' wank yalaq b'ar ut narileb' li chaab'il ut li ink'a' useb' xch'ool.

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

Génesis 22:14

Ut laj Abrahán kixk'e cho'q xk'ab'a' li na'ajej a'an: “Li Yos nanawok re”. Jo'kan nayeemank chalen toj anaqwan: “Sa' li tzuul, li Yos nanawok re”.

Génesis 28:17

Taaxiwaq naq kixye: “Q'axal xiwajel li na'ajej a'in: a'an rochoch li Yos ut rokeb'aal li choxa!”, chan.

Jueces 6:24

Toja' naq laj Jedehón kixyiib' sa' li na'ajej a'an jun li artal cho'q re li Qaawa', ut li Qaawa'-Tuqtuukilal kixk'e cho'q xk'ab'a'. Li artal a'an toj wank anaqwan aran Ofrá, xtenamiteb' laj Abiéser.

Éxodo 24:11

Ab'an li Qaawa' ink'a' kixrahob'tesi eb' li xb'eenil aj Israel; eb' a'in ke'ril ru li Yos, ut ke'wa'ak ke'uk'ak chi maak'a' ke'xk'ul.

Génesis 32:31

Yo chi elk li saq'e naq laj Jakob ki'elk sa' li na'ajej Penuel; ab'an nayeeqan aj chik li ra'.