Génesis 16:11 - Q'eqchi Bible

¹¹ K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

Li Santil hu

¹¹ Qꞌue retal, la̱at yaj aj ixkat. La̱ cꞌulaꞌal ta̱yoꞌla̱k chꞌina te̱lom. Aj Ismael ta̱qꞌue chokꞌ xcꞌabaꞌ. Joꞌcan lix cꞌabaꞌ ta̱qꞌue xban nak li Dios naxnau li raylal li yo̱cat chixcꞌulbal, ut aꞌan tatxtenkꞌa, chan.

Génesis 16:11 ပူးပေါင်းရင်းမြစ်များ

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

Génesis 17:19

Kichaq'ok li Yos ut kixye: “Relik chi yaal naq lix Sara laawixaqil taawanq xk'uula'al, ut aj Isahak taak'e cho'q xk'ab'a'. Laa'in tink'ojob' linSumwank rik'in chi junelik: laa'inaq li xYos ut xYoseb' ajwi' li ralal xk'ajol.

San Lucas 1:63

A'an kixpatz' jun ch'ina tz'alamche' ut kixtz'iib'a: “Aj Jwan li xk'ab'a'”. Ut chixjunileb' ke'sachk xch'ool.

Li xHu LAJ JOB 38:41

Ani nak'ehok xwa eb' li tz'oq, naq eb' li ral te'tz'okaaq, ut yookeb' xsik'b'al ut tz'aamankil xwaheb'?

Éxodo 3:9

Ab'i, li xkawil yaab'eb' laj Israel xwulak toj wik'in, ut xwil ajwi' naq k'ajo' rahob'tesinb'ileb' xb'aaneb' laj Ejiipt li neke'numtaak sa' xb'eeneb'.

San Lucas 1:31

Tatkanaaq sa' yu'am ut taawanq jun aak'uula'al, Jesus taak'e cho'q xk'ab'a'.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

Salmos 22:24

Laa'ex li nekexxiwank ru li Qaawa', chek'ehaq xloq'al. Chixjunil li riyajil laj Jakob, cheterq'usiiq xk'ab'a'. Ex ralal xk'ajol laj Israel, chexiwa ru li Yos!

Génesis 37:25

Chirix chik a'an ke'chunlaak ut ke'ok chi wa'ak. Naq ke'xtaqsi li rilob'aaleb', ke'ril naq jun ch'uuteb' aj Ismael yookeb' chaq chi chalk Galad rochb'eeneb' li xkameey, iq'o chaq xb'aaneb' li sununkil b'an, li miir ut xq'ol sununkil che' li yookeb' chi xk'amb'al Ejiipt.

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.