Génesis 15:16 - Q'eqchi Bible

¹⁶ Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Li Santil hu

¹⁶ Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Génesis 15:16 ပူးပေါင်းရင်းမြစ်များ

1 Reyes 21:26

Kixb'aanu li tz'i'b'eetalil naq kixloq'oniheb' li yiib'anb'il yos, jo' ke'xb'aanu eb' laj Amor li ke'sache'k ruheb' xb'aan li Qaawa' chiruheb' laj Israel.

Daniel 8:23

Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

1 Ts 2:16

neke'xram chiqu aatinak rik'ineb' li maawa'eb' aj Judiiy re naq te'kole'q; chi jo'kan junelik yo chi nujak li xb'isb'al li xmaakeb'. Ab'anan li xjosq'il li Yos ak teneb'anb'il sa' xb'eeneb' chi junajwa.

Éxodo 12:40

Lajeeb' xka'k'aal xkab' o'q'ob' (430) chihab' ke'kanaak eb' laj Israel aran Ejiipt.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Levítico 18:24

“Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

2 Reyes 21:11

“Jwal nim li xmaak laj Manasés, awab'ej re Judá. Q'axal numtajenaq wi' chik li maa'usilal xb'aanu chiru li ke'xb'aanu eb' laj Amor junxil chaq, ut kixk'am xb'eheb' laj Judá re xloq'oninkileb' ru eb' li jalanil yos.

Génesis 10:16

Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás,

Génesis 48:21

Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:4

Anaqwan leerelik, sa' li po Abib.

Deuteronomio 9:4

Ut naq akaq xe'isiik chawu xb'aan li Qaawa' laaYos, maaye sa' laach'ool: «Xb'aan xtiikilal linch'ool xinxk'am li Qaawa' chiweechani li ch'och' a'in». Jwal us b'an taaye: «Li Qaawa' kirisiheb' chiwu li tenamit a'in xb'aan li xmaa'usilaleb'», cha'qat.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Salmos 105:43

Jo'ka'in kirisi li xtenamit chi saheb' sa' xch'ool; k'ajo'eb' chi b'ichank li sik'b'ileb' ru xb'aan.