Génesis 15:1 - Q'eqchi Bible

¹ Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Li Santil hu

¹ Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Génesis 15:1 ပူးပေါင်းရင်းမြစ်များ

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Salmos 119:114

Laa'at laj tenq'ahonel ut laj kolol we; xaqxo li woyb'enihom rik'in laawaatin.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Lamentaciones 3:24

Ut ninye sa' li waanm: “Li Qaawa' a'an linb'ihomal; jo'kan naq xaqxo li woyb'enihom rik'in”.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

Salmos 5:12

Che'saho'q sa' xch'ool eb' li neke'muhenk aawik'in, chiwanq xnimal sahil ch'oolej chi junelik! Laa'at nakatkupunk reheb', ut k'ajo' neke'saho'k sa' xch'ool li neke'rahok aawe, at inYos.

Salmos 18:2

Kixye: At Qaawa', q'axal nakatinra, laa'at li xkawilal linch'ool.

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Salmos 142:5

Chat-iloq chink'atq ut chak'e reetal: maajun junaq nanawok wu. Maab'ar naru tinmuq wib'; maajun junaq truuq chi kolok we.

Salmos 3:3

Naab'aleb' neke'aatinak chiwix: “Ink'a' chik taakole'q xb'aan li Yos”, chankeb'.

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

San Lucas 1:30

Toja' naq kiyehe'k re xb'aan li ánjel: —Matxiwak, María, xb'aan naq usilal xataw rik'in li Yos.

Salmos 58:11

K'ajo' naq taasaho'q li tiik xch'ool chi rilb'al li eeqajunk, naq tixch'aj li roq sa' xkik'el li ink'a' us xna'leb'!

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Salmos 91:4

A'an taamuheelanq aawe rub'el li xkupuhom; rub'el li xxik' taataw xkolb'al aawib': li xtiikilal xch'ool naxk'e aakawilal ut kolb'a ib'.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

Ezequiel 3:4

Toja' naq kixye we: “At kaamel winq, ayu ut ye reheb' laj Israel li k'aru tinye aawe.

Isaías 44:2

Laa'in li Qaawa' laj yoob'tesihom aawe, li kinsiyank chaq aawe ut toj yookin chatenq'ankil. Matxiwak, a Jakob, aj k'anjelat chiwu, at Yesurún, lintenamit sik'b'il ru inb'aan.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

1 Corintios 3:22

laj Pablo, laj Apolo, laj Sefas, li ruuchich'och', li yu'am, li kamk, chixjunil li wank anaqwan ut li toj chaalel, chixjunil eere laa'ex;

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Proverbios 30:5

Chixjunil li raatin li Yos puuxinb'il ru; li Qaawa' naxkoleb' li neke'xk'ojob' xch'ool rik'in.

Salmos 84:9

At Qaawa', at qaNimajwal Yos, chinaawab'i taxaq, chak'e sa' aach'ool lintij, at xYos laj Jakob!

1 Samuel 9:9

Junxil chaq, aran Israel, naq junaq naraj patz'ok rik'in li Yos, naxye: “Yo'qeb' rik'in laj ilol moy u”, xb'aan naq junxil li propeet “aj ilol moy u” nayeemank re.

Ezequiel 11:24

Ut li xmusiq' li Yos kinxtaqsi ut kinxk'am wi' chik Babilonia, b'arwi' wankeb' laj Israel li ke'k'ame'k chi preexil. Chixjunil a'in kik'ulmank sa' moy u, sa' xk'ab'a' li xmusiq' li Yos. Moqon chik kisachk chiwu li moy u,

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Ezequiel 1:1

Ak oob' kutan xtiklajik li xka po re li lajeeb' xka'k'aal chihab', naq wankin chaq chire li nima' Kebar, sa' xyanqeb' li ke'k'ame'k aran Babilonia, kitehonk li choxa chiwu ut kiwil ru li Yos sa' moy u.

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Isaías 44:8

Mexxiwak ut meesiksiki eerib'. Ma ink'a' ak inyehom resil laa'in chalen chaq junxil? Laa'ex li testiiw chiwix. Ma wank tab'i' junaq chik yos chiwu laa'in? Maak'a' chik junaq aj kolonel, ka'ajin wi' ut maak'a' chik junaq”.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Génesis 15:2

Kichaq'ok laj Abrán ut kixye: “At inQaawa', k'a' aj e li taasi we, wi tinkamq chi maajun walal ink'ajol, ut laj Elieser aj Damaask taareechani li k'a'aq ru we?”.

Génesis 15:4

Ab'an li Qaawa' kixye re chi jo'ka'in: “Moko a'an ta taa'eechaninq re, a' b'an li tz'aqal aawalal”.

Génesis 31:7

ut a'an xinxb'alaq'i ut lajeeb' sut xjalaxi lintojb'al. Ab'an linYos xinxtenq'a, ut leeyuwa' ink'a' xru xb'aanunkil li ink'a' us we.

Números 18:20

Li Qaawa' kixye ajwi' re laj Aharón: “Ink'a' tattz'aq ch'och' sa' xyanqeb' laj Israel chi moko taaweechani junaq k'a' re ru. Laa'in laaweechanihom ut laa'ereens sa' xyanqeb' laj Israel.

Números 24:4

Raatin li ani narab'i li naxye li Qaawa', ut naril li xk'utb'esihom li Nimajwal; raatin li ani nak'uluk choxahil na'leb', ut sa' moy u nateemank xsa'eb' li ru.

1 Samuel 15:10

Chirix chik a'an li Qaawa' kiraatina laj Samuel ut kixye:

2 Samuel 22:3

ut linYos. Laa'at li saqoonak li ninkol wi' wib', jo'kat li koleb' ch'iich' nakolok we; laa'at laj k'aak'alehom ut laj tenq'ahom we, laa'at laj kolonel li na'isink we sa' li raaxiik'.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Génesis 22:20

Moqon chik kiyehe'k resil re laj Abrahán: “Lix Milká ajwi' kirala xk'uula'aleb' laj Najor laawiitz'in:

Deuteronomio 18:2

Ink'a' te'eechaninq na'ajej sa' xyanqeb' li ras riitz'in: a' li Qaawa' a'an li reechanihomeb', kama' ak xyehom chaq reheb'.

2 Reyes 1:15

Toja' naq li x'ánjel li Qaawa' kixye re laj Elías: “Kub'en aawochb'een a'an. Matxiwak chiru”. Kixaqliik laj Elías ut kikub'e chaq rochb'een li xjolomileb' laj puub'. Naq kiwulak rik'in li awab'ej,

Salmos 3:4

Ab'anan laa'at, at Qaawa', inramleb'at, inloq'alat, laa'at li nakattaqsink re li wilob'aal.

Salmos 115:10

Ex ralal xk'ajol laj Aharón, kawaq eech'ool rik'in li Qaawa': a'an laj tenq'ahom qe, a'an li naqakol wi' qib'!

Isaías 40:10

K'ehomaq reetal, yo chi chalk li Qaawa' rik'in xnimal xwankil: chixjunil wank rub'el roq rub'el ruq'! K'ehomaq reetal, rochb'een chaq li xtojb'al ut k'amol b'e chaq chiru li q'ajkamunk.

Jeremías 39:17

Ab'an naq taak'ulmanq a'an, laa'in tatinkol re naq ink'a' tatq'axtesiiq sa' ruq'eb' li q'axal nakaxiwaheb' ru.