Génesis 14:5 - Q'eqchi Bible

⁵ Sa' li xkaalaju chihab' kichalk laj Kedorlahomer rochb'eeneb' li awab'ej li neke'okenk chirix, ut ke'xsacheb' laj Refait aran Asterot-Karnáhin. Ke'xsacheb' ajwi' laj Susim aran Ham, eb' laj Emí sa' xtaq'ahil Kiriatáhin

Li Santil hu

⁵ Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Génesis 14:5 ပူးပေါင်းရင်းမြစ်များ

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Deuteronomio 1:4

Naq ak kixq'ax ru laj Sijón, awab'ej re Amor, li wan chaq Jesbón, ut laj Og, awab'ej re Basán, li wan chaq Astarot ut Edreí,

Génesis 15:20

eb' laj Hit, eb' laj Perés, eb' laj Refait,

Deuteronomio 3:22

Maaxiwaheb' ru, xb'aan naq a' ajwi' li Qaawa' leeYos taayaloq sa' eek'ab'a'», chankin.

Jeremías 48:23

Kiriatáhin, Bet-Kamul, Bet-Mehón,

Jeremías 48:1

Jo'ka'in kixye li Nimajwal Yos, li xYos laj Israel, chirixeb' laj Mohab: “Toq'ob' xaq ru li tenamit Nebo naq juk'ulk aj chik. Xsache'k xwankil ut x'eechaniik Kiriatáhin. Xutaanal xkanaak li kawub'resinb'il tenamit naq xjuk'e'k.

Isaías 17:5

Taak'ulmanq kama' naq laj setonel naxxok chi joob' li awimq, naxch'ot li ru malaj naxxok li triiw sa' xtaq'ahil Refaín:

Salmos 106:22

naq kixk'ut li sachb'ach'oolej sa' xch'och'el laj Kam ut xninqal b'aanuhom chire li Kaqi Palaw.

Salmos 105:27

Eb' a'in naab'al sachb'ach'oolej ke'xb'aanu sa' xyanqeb' laj Ejiipt, naab'al xninqal eetalil ke'wank aran sa' xch'och'el laj Kam.

Salmos 105:23

Toja' naq laj Israel ki'ok Ejiipt, laj Jakob kiwank sa' xch'och'el laj Kam.

Salmos 78:51

Kixkamsiheb' li xb'een ralaleb' laj Ejiipt, eb' li q'axal kaweb' rib' sa' xmuheb'aaleb' laj Kam.

1 Crónicas 14:9

Toja' naq ke'wulak eb' laj Filistea ut ke'xtzolob' rib' sa' xTaq'ahil Refaín.

1 Crónicas 11:15

Sa' jun kutan oxib' reheb' li lajeeb' xka'k'aal chi kaweb' rib' koxe'ril laj David sa' li ochoch pek re Adulán, naq jun ch'uuteb' aj Filistea wankeb' sa' li xTaq'ahil Refaín.

1 Crónicas 4:40

Ut aran ke'xtaw chi yo'oon chaab'il pim, jo' ajwi' jun li na'ajej jwal nim ut chaab'il; aran maajun nach'e'ok reheb' (aran ke'wank junxil eb' li ralal xk'ajol laj Kam).

2 Samuel 23:13

Sa' jun kutan, sa' xq'ehil li q'olok, oxib' reheb' li lajeeb' xka'k'aal chi kaweb' rib' koxe'ril laj David sa' li ochoch pek re Adulán, naq jun ch'uuteb' aj Filistea wankeb' sa' li xTaq'ahil Refaín.

2 Samuel 5:22

Ab'an jun sut chik eb' laj Filistea koheb' chi yalok ut ke'xtzolob' rib' sa' li xTaq'ahil Refaín.

2 Samuel 5:18

Toja' naq ke'wulak eb' laj Filistea ut ke'xtzolob' rib' sa' li xTaq'ahil Refaín.

Josué 13:31

jo' ajwi' li xyiijachil Galahad, Astarot ut Edreí, xtenamitul li x'awab'ejihom laj Og, awab'ej re Basán. Chixjunil a'in reechanihom li xyiijachil li xk'ihaleb' laj Makir, ralal xk'ajol laj Manasés, chi ch'uutal.

Josué 13:19

Kiriatáhin, Sibmá ut Séret-Jasajar, sa' xk'iche'il li taq'a;

Josué 13:12

Ut sa' xteepal Basán kixk'e chixjunil li x'awab'ejihom laj Og, li ki'awab'ejink sa' xb'een Astarot ut Edreí ut kikanaak cho'q rela'eb' laj Refait. Laj Moisés kixq'ax ruheb' ut kiraanilasiheb'.

Josué 12:4

Laj Og, awab'ej re Basán, a'an jun xkomoneb' laj Refait. A'an kiwank aran Astarot ut Edreí,

Deuteronomio 3:20

toja' yaal re li Qaawa' xk'eeb'al junaq eena'aj b'arwi' texhilanq laa'ex ut eb' leeras eeriitz'in. Naq eb' a'an ajwi' ak xe'reechani li na'ajej li xk'ehom li Qaawa' leeYos junpak'al li nima' Jordán, toja' naq chejunjunqal texsutq'iiq chaq sa' leena'aj ink'ehom eere», chankin.

Génesis 14:4

Chiru kab'laju chihab' wanjenaqeb' chaq rub'el xwankil laj Kedorlahomer, ab'anan sa' li roxlaju chihab' ke'raj raj risinkileb' rib' xjuneseb'.

Números 32:37

Eb' li ralal xk'ajoleb' laj Rubén ke'kab'lak aran Jesbón, Elalé, Kiriatáhin,

Deuteronomio 3:13

Li rela'eb' laj Galahad, chixjunil Basán li kiwank rub'el x'awab'ejihom laj Og, ut chixjunil li na'ajej re Argob kinq'axtesi re li xyiijachil xteepal laj Manasés. (Chixjunil li tenamit a'in re Basán, xtenamiteb' laj Refait nayeemank re.

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.