Génesis 14:20 - Q'eqchi Bible

²⁰ Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Li Santil hu

²⁰ Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Génesis 14:20 ပူးပေါင်းရင်းမြစ်များ

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

San Lucas 18:12

Ka' sut nin'ayuunik chiru li xamaan, ninmayeja li xlajeetqil chixjunil li naweechani».

Génesis 24:27

Kixye: “Usilaatinanb'il taxaq li Qaawa', li xYos laj Abrahán laj eechal we, xb'aan naq chaab'il xch'ool ut junelik narusila laj eechal we. A'an xk'amok chaq we chi hilank sa' rochocheb' li rech'alal laj eechal we”.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Malaquías 3:8

Ut laa'in ninpatz' wib': Ma naru junaq winq xb'alaq'inkil li Yos? Naru, xb'aan naq laa'ex xineeb'alaq'i. Ut chirix a'an toj nekeye: «K'aru xatqab'alaq'i wi'?», chankex. Xineeb'alaq'i, xb'aan naq ink'a' nekek'e li junjunq sa' xlajeetqil ru leerawimq chi moko nekek'e leeloq'laj mayej.

Amós 4:4

“Ayuqex aran Betel ut Kilkal chi xb'aanunkil leemaa'usilal, ut cheq'etq'eti eerib' chiru li Qaawa' chi anchal leech'ool! Toj eq'la k'amomaq leemayej ut rajlal oxib' kutan a' chik li xlajeetqil leerawimq!

Salmos 144:1

Xsaalm laj David. Usilaatinanb'il taxaq li Qaawa' linsaqoonak, li natzolok we chi yalok ut nikinxkawresi sa' li raaxiik'.

Salmos 68:19

Xattaqe'k toj sa' laamuheb'aal najt xteram, xak'ameb' chawix jo'k'ihaleb' li xaweechani. Xak'uleb' winq cho'q aamaatan; a'atqeb' ajwi' laj q'etol chaq'rab' xe'xq'axtesi rib' chawu, at Qaawa'.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

Nehemías 13:12

Ut chixjunileb' laj Judá ke'xk'am chaq sa' li k'uuleb'aal li xlajeetqil li triiw, li b'iin ut li aseeyt.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.

2 Crónicas 31:12

ut aran ke'xk'uula chi chaab'il li mayej, li xlajeetqil ru chixjunil ut li k'a'aq re ru mayejanb'il re li Qaawa'. Laj Kenanías aj Leví, rochb'een laj Semehí li riitz'in, ke'xaqab'aak chi rilb'aleb' li mayej.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Deuteronomio 14:28

“Rajlal ox ox chihab', taawisi xjunes li xlajeetqil ru chixjunil laawawimq re li chihab' a'an, ut taak'e chire laawochoch.

Deuteronomio 14:23

ut taatzeka chiru li Qaawa' laaYos, sa' li na'ajej xaqab'anb'il xb'aan cho'q xna'aj li xk'ab'a': li xlajeetqil laatriiw, laamoost, laa'aseeyt, jo'wi' li xb'een ral laawakax ut laakarneer. Chi jo'kan taatzol roxloq'inkil li Qaawa' laaYos chiru chixjunil laayu'am.

Deuteronomio 12:17

“Ink'a' naru taatzeka sa' laatenamit li xlajeetqil laatriiw, li uub', li aseeyt, chi moko eb' li xb'een ral laaninq ut kok' ketomq. Maajun reheb' laamayej, laatenq'aal, laayeechi'om malaj li na'alaak sa' laach'ool naru taatzeka yalaq b'ar sa' laatenamit.

Números 28:26

“Sa' li kutan teemayeja wi' li xb'een ru leerawimq chiru li Qaawa', sa' xNinq'eheb' li Xamaan, taawanq leeloq'laj ch'utam. Maajun taak'anjelaq.

Génesis 9:26

Kixye ajwi': “Loq'oninb'il taxaq li Qaawa', li xYos laj Sem! Chikanaaq laj Kanahán cho'q aj k'anjel chiru a'an!

Génesis 14:21

Toja' naq li awab'ej re Sodoom kixye re laj Abrán: “K'eheb' we li poyanam ut kanaaq cho'q aawe li k'a'aq chik re ru”.

Éxodo 18:10

ut kixye: “Usilaatinanb'il taxaq li Qaawa' li x'isink chaq eere sa' ruq'eb' laj Ejiipt ut sa' ruq' laj Parahón, ut xkoleb' li tenamit chiru xwankilaleb' laj Ejiipt!

Génesis 47:24

ut moqon, sa' xq'ehil li q'olok, teek'e li ro' jachal re laj Parahón ut li kaahib' raqal chik te'kanaaq cho'q eere, re teeraw sa' li ch'och' ut textzekanq laa'ex, leekok'al jo'wi' chixjunileb' li wankeb' sa' leejunkab'al”, chan Laj José.

Génesis 47:26

Toja' naq laj José kixk'e jun chaq'rab' sa' li tenamit Ejiipt li wank chalen toj anaqwan: li xk'eeb'al re laj Parahón li ro' jachal ru li awimq; ka'aj chik li xch'och'eb' laj tij ink'a' ki'eechaniik xb'aan laj Parahón.

2 Samuel 18:28

Naq laj Ajimás kinach'ok chaq, kiwiq'laak, kixhupub' rib' chiru ch'och' ut kixk'e xsahil xch'ool li awab'ej: “At awab'ej, usilaatinanb'il taxaq li Qaawa' laaYos li xq'axtesink reheb' sa' laawuq' li xe'raj raj numtaak sa' aab'een”, chan.