Génesis 14:10 - Q'eqchi Bible

¹⁰ Li xtaq'ahil Sidim nujenaq chi xjulel li b'etuun; ut naq yookeb' chi elelik li awab'ej re Sodoom ut laj Gomoor, ke't'ane'k aran, ut eb' li rochb'een ke'elelik sa'atqeb' li tzuul.

Li Santil hu

¹⁰ Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.

Génesis 14:10 ပူးပေါင်းရင်းမြစ်များ

Génesis 19:17

Naq yo risinkileb', jun reheb' li ánjel kixye: “Elelin, kol aawib'! Mat-ilok chawix chi moko tatxaqliiq sa' li taq'a; ayu b'an sa' li tzuul re naq ink'a' tat-oso'q”, chankeb' li ánjel.

Génesis 19:30

Ki'elk chaq laj Lot toj Sohar ut kikanaak sa' li tzuul rochb'een xkab'ichaleb' li xrab'in, xb'aan naq naxiwak chi wank Sohar. Aran kikanaak sa' jun li ochoch pek rochb'een xkab'ichaleb' li xrab'in.

Jeremías 48:44

Li ani taa'eleliq chiru laj yo, toxt'ane'q sa' li jul; ut li taa'elq chaq sa' li jul, toxt'ane'q sa' li ra'al, xb'aan naq tink'e Mohab sa' tojb'amaak naq taawulaq xkutankil li rahilal -chan li Qaawa'-.

Isaías 24:18

Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Génesis 11:3

Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent.

Salmos 83:10

Chab'aanu taxaq reheb' jo' xab'aanu reheb' laj Madián, jo' xab'aanu re laj Sísara ut laj Jabín chire li nima' Kisón.

Josué 8:24

Naq eb' laj Israel ke'raqe'k chi xkamsinkil chi ch'iich' chixjunileb' laj Ay li ke'aanilasink reheb' toj sa' li chaqich'och', ke'sutq'iik wi' chik aran Ay ut ke'xkamsi chi ch'iich' jo'k'ihaleb' li wankeb' chisa'.

Génesis 14:3

Chixjunileb' a'in ke'xjunaji rib' sa' xtaq'ahil Sidim, b'arwi' wank li Atz'aminb'il Palaw.

Génesis 14:9

rik'in laj Kedorlahomer, awab'ej re Elam, rik'in laj Tidal, awab'ej re Koyim, rik'in laj Amrafel, awab'ej re Senahar, ut rik'in laj Aryok, awab'ej re Elasar: kaahib' chi awab'ej ke'ok chi yalok rik'in oob'eb'.

Génesis 14:11

Toja' naq eb' li kaahib' chi awab'ej ke'xchap jo'nimal wank reheb' laj Sodoom ut eb' laj Gomoor, jo' ajwi' chixjunil li xtzekemqeb', ut koheb'.

Génesis 14:17

Sa' xsutq'ijik chaq laj Abrán, naq ak xjuk' xwankil laj Kedorlahomer ut eb' li awab'ej li wankeb' rochb'een, ki'elk li awab'ej re Sodoom chi xk'ulb'al sa' xtaq'ahil Sawé (“xTaq'ahil li Awab'ej” ajwi' nayeemank re).

Génesis 14:21

Toja' naq li awab'ej re Sodoom kixye re laj Abrán: “K'eheb' we li poyanam ut kanaaq cho'q aawe li k'a'aq chik re ru”.