Génesis 13:8 - Q'eqchi Bible

⁸ Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Li Santil hu

⁸ Laj Abram quixye re laj Lot: —La̱o kacomon kib. Incꞌaꞌ taxak ta̱cua̱nk li chꞌaꞌajquilal chi kibil kib. Joꞌ ajcuiꞌ riqꞌuineb li kamo̱s. Incꞌaꞌ nacuaj nak teꞌxpleti ribeb laj ilol reheb li kaqueto̱mk.

Génesis 13:8 ပူးပေါင်းရင်းမြစ်များ

Hechos 7:26

Sa' li kutan jun chik kixk'ut rib' chiruheb' naq yookeb' chi xch'e'b'al rib', ut kiraj raj xk'amb'aleb' sa' tuqtuukilal chirib'ileb' rib': «Ex winq, laa'ex eeras eeriitz'in eerib' -chan reheb'. K'a'ut naq yookex chi xrahob'tesinkil eerib' cherib'il eerib'?».

Salmos 133:1

B'ich re li taqsink. Xsaalm laj David. K'ehomaq reetal: k'ajo' xloq'al, makach'in xch'ina'usal naq wankeb' laj paab'anel sa' junajil!

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

1 Pedro 4:8

Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

Proverbios 20:3

Li maak'a' xna'leb' naxch'ik rib' sa' raaxiik'; ab'an li narisi rib' chisa', xk'ulub' naq taak'eemanq xloq'al.

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Génesis 45:24

Moqon chik kixchaq'rab'iheb' li ras ut, naq ak yookeb' chi xik, kixye reheb': “Meewech'i eerib' sa' b'e”, chan.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

1 Ts 4:9

Chirix li rahok ib' ink'a' na'ajmank ru naq tintz'iib'aq eerik'in xb'aan naq ak tzolb'ilex xb'aan li Yos chi xraab'al eerib' cherib'il eerib'.

Filipenses 2:14

B'aanuhomaq chixjunil chi maak'a'aq xchoqoqinkil ut xwech'inkil eerib',

San Mateo 5:9

Us xaq reheb' li neke'k'anjelak chirix li tuqtuukilal, xb'aan naq nawnooqeb' ru jo' ralal xk'ajol li Yos.

Proverbios 15:18

Li ani ch'inpo' nayoob'ank ch'a'ajkilal; a'ut li wank xkuyum naxch'anab' li raaxiik'.

Éxodo 2:13

Ki'elk wi' chik sa' li kutan jun chik ut kiril wiib' aj hebreo yookeb' chi pleetik; ut kixye re li wank xmaak: “K'a' naq yookat chi xsak'b'al laawech winqilal?”, chan.

Génesis 13:9

Ma ink'a' tab'i' wank chawu chixjunil li ch'och'? Qajek'aq b'i' qib': wi tatxik sa' laatz'e, laa'in tinxik sa' linnim; ut wi tatxik sa' laanim, laa'in tinxik sa' lintz'e”, chan laj Abrán.

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

Génesis 14:14

Naq kirab'i laj Abrán naq kichape'k li rikaq', kixch'utub'eb' waqxaqlaju xwaqlajuk'aal (318) aj k'anjel chiru, yo'lajenaqeb' sa' rochoch, ut kixtaaqeheb' li ke'chapok re laj Lot toj sa' li tenamit Dan.

Jueces 9:26

Sa' jun kutan laj Gahal, ralal laj Obed, rochb'eeneb' li xkomon, kichalk aran Sikem ut kixtaw usilal rik'ineb' li xjolomil li tenamit a'an.