Génesis 13:16 - Q'eqchi Bible

¹⁶ Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Li Santil hu

¹⁶ —Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 13:16 ပူးပေါင်းရင်းမြစ်များ

Números 23:10

Ani taaruhanq xb'isb'al xpojtz'il laj Jakob, ut ani taaruhanq rajlankil li xk'ihaleb' laj Israel? Kamqin laa'in jo' naq neke'kamk li tiikeb' xch'ool, ut oso'qin jo' taxaq naq neke'oso'k eb' a'an”, chan.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 32:12

Laa'at xatyehok we: «Relik chi yaal naq chaab'ilaqin aawik'in. Tink'eheb' chi k'ihank laawalal aak'ajol: jo'aqeb' li samahib' chire li palaw li ink'a' naru rajlankil xb'aan xk'ihal», chankat we”, chan laj Jakob.

1 Reyes 3:8

Wankin sa' xyanq laatenamit, jun tenamit sik'b'il ru aab'aan, k'ajo' xk'ihal, li ink'a' naru rajlankileb'.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Jeremías 33:22

Jo' naq ink'a' naru rajlankileb' li chahim chiru li choxa chi moko naru xb'isb'al li samahib' chire li palaw, jo'kan ajwi' naq tinpuktesiheb' li ralal xk'ajol laj David jo'wi' eb' li ralal xk'ajoleb' laj tij xkomoneb' laj Leví, aj k'anjeleb' chiwu”.

1 Crónicas 27:23

Laj David ink'a' kirajlaheb' li toj maji' neke'tz'aqlok junmay chihab', xb'aan naq li Qaawa' ak xyehom naq tixnaab'alob'resiheb' laj Israel jo'eb' li chahim chiru choxa.

1 Crónicas 21:5

Laj Johab kixq'axtesi re laj David li reetalil jo'k'ihaleb' li tenamit, ut kik'utunk naq wankeb' jun miiyon rik'in o'k'aal mil (1,100,000) chi winq yo'ooneb' chi yalok sa' xyanqeb' chixjunileb' laj Israel ut lajeeb' xkaak'aal xkab' o'q'ob' mil (470,000) sa' xyanqeb' laj Judá.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

Jueces 6:5

K'ajo'eb' xk'ihal laj Madián ut eb' li xkameey, chanchaneb' laj saak'! Rochb'eeneb' li xketomq ut li xmuheb'aaleb' neke'chalk sa' xb'eeneb' laj Israel, neke'okje'k sa' li xna'ajeb' ut neke'xsach ru chixjunil.

Jueces 6:3

Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Deuteronomio 1:10

Li Qaawa' leeYos xexnaab'alob'resi, ut anaqwan laa'ex chik jo'eb' li chahim chiru choxa.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 21:13

Ut li xyum laamoos ixq, laa'in tink'e naq jun xnimal ru tenamit taa'elq rik'in, xb'aan naq a'an ajwi' aawalal”, chan li Yos.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Génesis 17:16

Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Génesis 17:6

Q'axal naab'aleb' laawalal aak'ajol li tink'e aawe; aawik'in twisi naab'aleb' chi tenamit ut wanqeb' awab'ej li te'elje'q aawik'in.

Hebreos 11:12

Chi jo'kan rik'in jun ajwi' chi winq ak tiix chi us ke'yo'laak ralal xk'ajol kama' xk'ihaleb' li chahim chiru choxa, kama' li samahib' chire li palaw, li ink'a' naru rajlankileb'.

Génesis 16:10

Kixye ajwi': “Tink'ihob'resi eb' laawalal aak'ajol toj reetal ink'a' chik taaruuq rajlankileb' xb'aan xk'ihaleb'.

Génesis 17:2

Tink'ojob' jun Sumwank aawik'in ut q'axal tink'ihob'resi eb' laawalal aak'ajol”.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

2 Crónicas 1:9

At Qaawa' Yos, anaqwan b'aanu li k'aru xayeechi'i re laj David linyuwa', xb'aan naq xinaaxaqab' cho'q awab'ej sa' xb'een jun li tenamit q'axal nim: naab'aleb' jo' li xpojtz'il li ruuchich'och'.

Génesis 32:13

Laj Jakob kixnumsi li q'oqyink aran. Moqon chik, sa' xyanq li jo'ch'inal jo'nimal wank chiru, kixchap jun maatan li tixk'e re laj Esaú li ras:

Li xHu LAJ JOB 5:25

Naab'alaqeb' laawi aamam: te'yo'laaq kama' xpimul li tzuultaq'a.