Génesis 13:13 - Q'eqchi Bible

¹³ Eb' laj Sodoom jwal ink'a' useb' xch'ool ut aj maakeb' chiru li Qaawa'.

Li Santil hu

¹³ Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Génesis 13:13 ပူးပေါင်းရင်းမြစ်များ

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

Romanos 1:27

Jo'kaneb' ajwi' li winq: ke'xkanab' wank rik'ineb' li rixaqil jo' teneb'anb'il sa' xb'eeneb', ut ke'tiqwo'k chik chirib'ileb' rib'; ke'xb'aanu li maa'usilal rik'ineb' li rech winqilal ut ke'xk'ul xq'ajkamunkil li xsachikeb' jo' tz'aqal xk'ulub'eb'.

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Génesis 18:20

Kixye ajwi' li Qaawa': “Jwal kaw li xyaab' kuxej neke'jite'k wi' eb' laj Sodoom ut laj Gomoor, ut q'axal nim li xmaakeb'.

San Juan 9:31

Laa'o naqanaw naq li Yos ink'a' narab'iheb' laj maak; ab'an wi junaq naxxiwa ru li Yos ut naxb'aanu li rajom, a'an na'ab'iik.

San Mateo 9:10

Naq wan chaq li Jesus sa' meex sa' rochoch laj Mateo, naab'aleb' laj titz'ol toj ut eb' laj maak ke'wulak aran, wankeb' sa' meex rochb'een, rochb'eeneb' ajwi' li xtzolom.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

1 Samuel 15:18

Jo'kan utan, wi li Yos xatxtaqla chi yalok ut xye aawe naq tento xsachb'aleb' ru laj Amalek toj reetal te'oso'q chi junajwa, xb'aan naq aj maakeb',

Génesis 38:7

Ab'anan laj Er, li xb'een ralal laj Judá, ink'a' us xch'ool chiru li Qaawa' ut li Qaawa' kixk'e chi kamk.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Génesis 10:9

A'an jwal kaw rib' chi yohok jo' nawulak chiru li Qaawa'; jo'kan naq nayeemank: “Kaw rib' chi yohok jo' nawulak chiru li Qaawa', kama' laj Nimrod”.

Génesis 6:11

Li Yos kixk'e reetal naq oso'jenaq sa' li maak li ruuchich'och' ut numtajenaq li xmaa'usilaleb'.

San Juan 9:24

Eb' laj Judiiy ke'xb'oq wi' chik li winq, a' li mutz' naq xwank, ut ke'xye re: —Chaye qe li yaal sa' xk'ab'a' li Yos. Laa'o naqanaw naq li winq a'in a'an aj maak.

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.

Números 32:23

Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Génesis 19:13

xb'aan naq ok qe chi xsachb'al li na'ajej a'in. Jwal kaw li xyaab' kuxej neke'jite'k wi' chiru li Qaawa', ut A'an xooxtaqla chaq chi xsachb'aleb'”, chankeb'.

1 Samuel 2:17

Jo'kan naq q'axal nim chiru li Qaawa' li xmaakeb' li wiib' chi aj k'anjel a'an, xb'aan naq ink'a' neke'roxloq'i li k'aru mayejanb'il chiru li Qaawa'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!