Génesis 12:5 - Q'eqchi Bible

⁵ Kixk'am lix Saray chirix jo' ajwi' laj Lot li rikaq'. Kixk'am ajwi' chixjunil li xjunkab'lal ut eb' laj k'anjel chiru li kireechani sa' li tenamit Harán. Ke'xchap xb'e re xik Kanahán ut ke'wulak sa' li na'ajej a'an.

Li Santil hu

⁵ Laj Abram quixcꞌam chirix lix Sarai li rixakil. Ut quixcꞌam ajcuiꞌ chirix laj Lot, li ralal li ri̱tzꞌin. Ut quixcꞌam ajcuiꞌ chixjunil li cꞌaꞌru cuan re li queꞌtam nak queꞌcuan saꞌ li tenamit Harán. Quixcꞌameb ajcuiꞌ lix mo̱s chirix. Ut queꞌoc chi xic saꞌ li tenamit Canaán ut yal jun nak coxeꞌxtau.

Génesis 12:5 ပူးပေါင်းရင်းမြစ်များ

Génesis 14:14

Naq kirab'i laj Abrán naq kichape'k li rikaq', kixch'utub'eb' waqxaqlaju xwaqlajuk'aal (318) aj k'anjel chiru, yo'lajenaqeb' sa' rochoch, ut kixtaaqeheb' li ke'chapok re laj Lot toj sa' li tenamit Dan.

Génesis 11:31

Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran.

Hechos 7:4

Toja' naq laj Abrahán ki'elk sa' xch'och'eb' laj Kaldeha ut koxkanaaq Harán. Ut naq ak xkamk li xyuwa', li Yos kirisi chaq aran toj sa' li na'ajej wankex wi' anaqwan;

Génesis 14:21

Toja' naq li awab'ej re Sodoom kixye re laj Abrán: “K'eheb' we li poyanam ut kanaaq cho'q aawe li k'a'aq chik re ru”.

Génesis 10:19

Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa.

Génesis 13:5

Jo'kan ajwi' laj Lot, li rochb'een laj Abrán, wank xketomq ut xmuheb'aaleb'.

Génesis 13:6

Li na'ajej ink'a' chik natz'aqlok cho'q reheb', xb'aan naq numtajenaq xk'ihal li k'a'aq ru reheb'; jo'kan naq ink'a' chik naxk'e rib' te'wanq chi xkab'ichaleb'.

Génesis 28:10

Laj Jakob ki'elk Berseba ut koho Harán.

Génesis 36:6

Laj Esaú kixk'ameb' li rixaqil, li ralal ut eb' li xrab'in, jo'k'ihaleb' li wankeb' sa' rochoch, chixjunil li xketomq ut eb' li xxul, chixjunil li xjunkab'lal li kireechani sa' xteepal Kanahán, ut koho sa' li na'ajej Seír, moko najt ta rik'in laj Jakob li riitz'in,

Levítico 22:11

“Wi laj tij tixloq' junaq aj mun rik'in xtumin, laj mun a'an naru tixtzeka li loq'laj mayej. Jo'kan ajwi' eb' li yo'lajenaq sa' rochoch laj tij, naru te'xtzeka li k'aru naxtzeka laj tij.

Génesis 11:27

A'aneb' a'in li ralal xk'ajol laj Téraj: laj Téraj a'an xyuwa' laj Abrán, laj Najor ut laj Harán. Laj Harán a'an xyuwa' laj Lot.