Génesis 12:3 - Q'eqchi Bible

³ Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Li Santil hu

³ Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Génesis 12:3 ပူးပေါင်းရင်းမြစ်များ

Gálatas 3:8

Najter q'e kutan li Santil Hu ak naxnaw naq li Yos tixtiikob'resi xch'ooleb' li maawa'eb' aj Judiiy sa' xk'ab'a' li paab'aal. Jo'kan naq junxilaj kixye li chaab'il esil a'in re laj Abrahán: “Sa' aak'ab'a' osob'tesinb'ilaqeb' chixjunil li tenamit”.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Génesis 39:5

Chalen naq kik'ehe'k chi rilb'al li xjunkab'al laj Putifar ut chixjunil li k'aru wank re, li Qaawa' kirosob'tesi laj Putifar sa' xk'ab'a' laj José, ut li rosob'tesihom li Qaawa' kihoye'k sa' xb'een chixjunil li rochoch ut li xk'aleb'aal.

Génesis 30:30

Q'axal b'a'b'ay wank aawe naq maji' nink'ulunk; ab'an anaqwan xk'ihank chik chi yo'oon laajunkab'lal ut li Qaawa' xatrosob'tesi rik'in link'ulunik. Us b'i', jo'q'e tintikib' k'anjelak ajwi' cho'q re linjunkab'al?”, chan.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

San Mateo 25:45

Ut a'an tixsumeheb' ut tixye: «Relik chi yaal ninye eere naq jo'ch'inal jo'nimal ink'a' xeb'aanu re junaq reheb' a'in li q'axal kok'eb', chi moko we laa'in xeb'aanu chaq».

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Génesis 25:11

Chirix chik xkamik laj Abrahán, li Yos kirosob'tesi laj Isahak li ralal; ut laj Isahak kikanaak chi xk'atq li ha' “Li Yo'yo li na'ilok we” xk'ab'a'.

Génesis 26:29

Laa'at ink'a' taab'aanu qe li ink'a' us xb'aan naq laa'o ink'a' xqab'aanu aawe: junes chaab'ilal xqab'aanu aawe ut xatqachaq'rab'i sa' tuqtuukilal, at rosob'tesihom li Qaawa'”, chankeb'.