Génesis 12:2 - Q'eqchi Bible

² Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Li Santil hu

² —Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 12:2 ပူးပေါင်းရင်းမြစ်များ

2 Samuel 7:9

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Gálatas 3:14

Chi jo'kan li maawa'eb' aj Judiiy te'xk'ul ajwi' li rosob'tesihom li Yos yeeb'il chaq re laj Abrahán, sa' xk'ab'a' li Kristo Jesus, ut laa'o sa' xk'ab'a' li paab'aal tqak'ul li Musiq'ej li yeechi'inb'il chaq.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Gálatas 3:7

Chenawaq b'i' naq eb' laj paab'anel a'aneb' li tz'aqal ralal xk'ajol laj Abrahán.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Deuteronomio 26:5

Ut laa'at tat-ok chi aatinak, taaye a'in re li Qaawa' laaYos: «Linxe'toonil yuwa' a'an chaq jun aj Aram, aj b'eenihom rib'. Kikub'eek sa' li tenamit Ejiipt ut aran kiwank chi yal ink'a' k'iheb'; ab'anan ke'tamk, ke'xtaw xwankil ut ke'nimlatenamito'k.

Éxodo 32:10

Kanab'in anaqwan chi xk'eeb'al injosq'il sa' xb'eeneb' re naq teb'insach; ut laa'at tatink'e cho'q xnimal ru tenamit”.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Génesis 19:29

Jo'ka'in naq li Yos kixsacheb' li tenamit sa' li taq'a. Ab'an kijultiko'k re laj Abrahán ut kixkol laj Lot chiru li nimla rahilal, naq kixsacheb' li tenamit kiwank wi' laj Lot.

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

Números 14:12

Tinteneb' raxkamk sa' xb'eeneb' ut ink'a' chik te'reechani li ch'och' kinyeechi'i reheb'. A'ut laa'ataq jun nimla tenamit ut q'axal kawaq aawib' chiruheb' awe'”, chan li Qaawa'.

1 Reyes 1:47

ut eb' laj k'anjel chiru laj David li awab'ej xe'wulak chi xk'eeb'al xsahil xch'ool rik'in xyeeb'al re: «A' taxaq li Yos chixnimob'resi xwankil laj Salomón chi yo'oon chawu laa'at ut chixyu' ru li x'awab'ejihom chiru laawe!». A' ajwi' laj David li awab'ej xchunub' rib' chiru li xch'aat chi xloq'oninkil li Yos

Miqueas 7:20

At Qaawa', junelik taxaq wanq li xtiikilal aach'ool rik'in laj Jakob ut laarahom rik'in laj Abrahán, jo' kaye chaq junxil q'e kutan reheb' li qana' qayuwa'.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Génesis 24:1

Ak xikenaq xhab' laj Abrahán, tiix aj chik ut ak osob'tesinb'il xb'aan li Qaawa' rik'in chixjunil.

Génesis 25:11

Chirix chik xkamik laj Abrahán, li Yos kirosob'tesi laj Isahak li ralal; ut laj Isahak kikanaak chi xk'atq li ha' “Li Yo'yo li na'ilok we” xk'ab'a'.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Números 23:20

K'e reetal, xinxb'oq chaq chi osob'tesink: jo'kan naq tin'osob'tesinq, ut ink'a' tinch'ina linch'ool.

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Ezequiel 34:26

“Tink'ojob'eb' chi xsutam linsantil tzuul ut twosob'tesiheb'; tintaqla chaq li hab' sa' xq'ehil, ut a'an jo' junaq rosob'tesinkileb'.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Li xHu LAJ JOB 35:8

Wi nakab'aanu li maak, a'eb' laawech winqilal yookat xrahob'tesinkil. Ut wi chaab'ilat, a'eb' ajwi' laawas aawiitz'in yookat rusilankil.

Isaías 51:2

K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.