Génesis 11:3 - Q'eqchi Bible

³ Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent.

Li Santil hu

³ Ut queꞌxye chi ribileb rib: —Takayi̱b li xan ut takacꞌat chi us, chanqueb. Ut li xan quicꞌanjelac chokꞌ re̱kaj li pec. Ut li quicꞌanjelac re xletzbal li xan, aꞌan li na-el saꞌ chꞌochꞌ asfalto xcꞌabaꞌ.

Génesis 11:3 ပူးပေါင်းရင်းမြစ်များ

Génesis 14:10

Li xtaq'ahil Sidim nujenaq chi xjulel li b'etuun; ut naq yookeb' chi elelik li awab'ej re Sodoom ut laj Gomoor, ke't'ane'k aran, ut eb' li rochb'een ke'elelik sa'atqeb' li tzuul.

Éxodo 2:3

ab'anan, naq kixk'e reetal naq ink'a' chik naru xmuqb'al, kixchap jun chakach yiib'anb'il rik'in b'ayal, kixtz'api ru rik'in b'etuun ut xq'ol che', kixk'e li k'uula'al chisa' ut koxkanab' chaq sa' xyanqeb' li kaxlan aj, chire li nima'.

Éxodo 1:14

ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

Hebreos 10:24

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

Isaías 9:10

“Yaal naq xe't'ane'k li xan, ab'anan rik'in pek chik tookab'laq. Xe'xyok'i eb' li tz'amb'a yiib'anb'il rik'in sikomoor, ab'anan yaw chik tqak'e cho'q reeqaj”.

2 Samuel 12:31

ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

Santiago 4:13

Anaqwan k'ehomaq reetal laa'ex li nekeye: “Hoon malaj wulaj tooxik sa' li tenamit a'an; aran toowanq jun chihab'aq, tooyakoq ut too'eechaninq chaq”,

Nahum 3:14

K'uula aaha' re naq wanq aawuk'a' naq sutsuuqat; kawub'resi eb' laasuttz'ak, puq' wi' chik li seb' ut yiib' aaxan.

Isaías 65:3

jun tenamit li junelik naxchiq' injosq'il chi xnaq' wu xb'aan naq namayejak chiruheb' li jalanil yos sa' xna'ajeb' li awimq ut naxk'at li k'ajpom sa' xb'eeneb' li xanil artal;

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Eclesiastés 2:1

Xinye ajwi' sa' inch'ool: “Inyalaq xsahil li ruuchich'och' re naq sahaq li waanm”. Ab'anan xink'e reetal naq a'in maak'a' ajwi' rajb'al.

Proverbios 1:11

Mare anchal te'xye aawe: “Kim chiqix, qaramaq sa' b'e li maak'a' xmaak re xkamsinkil chi maak'a' xyaalal.

Salmos 64:5

re xkutb'al chi muqmu sa' xb'een li maak'a' xmaak, re xkutb'al chi junpaat, chi maak'a'eb' xxiw.

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.