Génesis 10:9 - Q'eqchi Bible

⁹ A'an jwal kaw rib' chi yohok jo' nawulak chiru li Qaawa'; jo'kan naq nayeemank: “Kaw rib' chi yohok jo' nawulak chiru li Qaawa', kama' laj Nimrod”.

Li Santil hu

⁹ Laj Nimrod cau rib chi yohoc xban nak natenkꞌa̱c xban li Ka̱cuaꞌ Dios. Joꞌcan nak nayeman nak junak cristian cau rib, aꞌan chanchan laj Nimrod li cau rib chi yohoc xban nak natenkꞌa̱c xban li Ka̱cuaꞌ Dios.

Génesis 10:9 ပူးပေါင်းရင်းမြစ်များ

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Génesis 27:30

Ak kiraqe'k laj Isahak chi rosob'tesinkil laj Jakob ut toja' taa'elq laj Jakob rik'in laj Isahak li xyuwa', naq kisutq'iik chaq chi yohok laj Esaú li asb'ej.

Génesis 25:27

Ke'k'iik eb' li xkok'al: laj Esaú kixtzol chi us li yohok ut nawulak chiru wank sa' k'aleb'aal; ab'an laj Jakob a'an jun li winq tuulan, li nawulak chiru wank sa' kab'l.

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Génesis 6:11

Li Yos kixk'e reetal naq oso'jenaq sa' li maak li ruuchich'och' ut numtajenaq li xmaa'usilaleb'.

Génesis 6:4

Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och', naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Ezequiel 13:18

«Jo'ka'in naxye li Qaawa': Rahilal chaalel sa' eeb'een li nekexb'alaq'ink reheb' li poyanam rik'in t'ikr nab'ak'mank chi xkux uq'mej ut nekexyiib'ank xt'ikrul li jolomej re xluktesinkil xch'ooleb' chixjunileb'! Laa'ex li nekera'le lintenamit, ma texruhanq chi xkolb'al leeyu'am?

Jeremías 16:16

“Xb'enwa tintaqlaheb' chaq naab'al li poyanam chi xchapb'aleb' laj Israel, jo' na'uxk reheb' li kar; chirix chik a'an tintaqlaheb' chaq laj yo re xsik'b'aleb' sa'eb' li tzuul, sa' xb'eeneb' li b'ool ut sa'atqeb' li xloot' li pek -chan li Qaawa'-.

Génesis 10:8

Laj Kus a'an xyuwa' chaq laj Nimrod, a'an li xb'een winq q'axal nim xwankil sa' ruuchich'och'.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Isaías 18:2

a'an li tenamit li nataqlank reheb' li xtaql chiru ha' sa' kok' jukub' yiib'anb'ileb' rik'in b'ayl. Ex taql, ayuqex chi junpaat wankeb' wi' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil. Ayuqex rik'in li tenamit jwal kaweb' rib' chi yalok ut sutsuukeb' xb'aaneb' li nima'.